Percorsi in lingua friulana 2009/2010
CIRCOLO DIDATTICO DI CODROIPO
IL CONCORS "GLEMONE: îR, VUEI E DOMAN"
Progetto nazionale ed europeo nel campo dello studio
delle lingue e tradizioni culturali degli appartenenti ad una minoranza
linguistica (Legge 15 dicembre 1999, n° 482, art. 5)
Lis trê scuelis dal Circul Didatic di Codroip che a àn partecipât al concors "Glemone: Îr, vuei e doman" di Glemone a àn viodût ricognossût il lôr lavôr ancje chest an. Ae premiazion de XIII edizion dal concors in lenghe furlane inmaneât a Glemone intal 1996 par ricuardâ il glemonat bonsignôr Pieri Piçul, cu la finalitât di stiçâ e inviolâ a scrivi par furlan, o vin partecipât ancje chest an cui lavôrs dal nestri Circul didatic di Codroip. Chest an a son stadis trê lis scuelis che a àn mandât lis oparis dai lôr fruts e des lôr mestris al concors: la scuelute di Circonvalazion Sud di Codroip, la scuelute di Rivolt, e la scuele primarie Candotti di Codroip. I lavôrs a son stâts tant preseâts dai zurâts: Erika Adami di Remanzâs Renato Balzan di Tumieç Gianni Osualdini di Udin Vigji Mestron di Udin Gjani Gubian di Glemone. La tierce sezion dal concors e premie lavôrs dedicâts ai fruts de scuele elementâr, de infanzie o mezane (contis) Il tierç premi dal valôr di 100 euros al è stât dât al lavôr "Jo e il mont ator di me" presentât de scuele de infanzie di Rivolt cu la mestre Maristella Prenassi, cu la motivazion: un progjet simpatic e gaiôs. Il secont premi dal valôr di 200 euros al è stât assegnât al lavôr "La ruie e la pavee" presentât de scuele de infanzie Circonvalazion Sud di Codroip" cu la mestre Patrizia Pizzolongo, cu la motivazion: par mieç di une storiute e puarte i fruts a cjapa sù la voie di imp  La seconde sezion e premie un lavôr di singui o di grops che al rivuardi la didatiche dal insegnament in lenghe furlane. Il secont premi dal valôr di 300 euros al ven dât a "Grignei di scuele" presentât de scuele primarie Candotti di Codroip cu la mestre Lorella Moretti, cu la motivazion: gjornalut scolastic realizât cun bravure e snait.  Noaltris o ringraziin l'organizadôr Toni Costantini, il sindic Paolo Urbani e ducj chei che cul lôr lavôr a permetin di realizâ chest concors che nus dâ la pussibilitât di mostrâ e condividi cun altris il nestri lavôr di mestris e di frutis e fruts. |
