KENNISGEWINGS

KLEINGROEP KERKWEES 2012
Soos ook elders op ons webwerf opgemerk kan word fokus ons hierdie jaar om ons kleingroepbediening uit te brei.
Die besluit om deel van `n kleingroep te word kan dalk die belangrikste besluit van `n mens se lewe wees. Nie net verseker dit geestelike groei in ons lewens, wat ons almal so nodig het nie, maar dit berei ons ook voor vir daardie dag wat elkeen tot rekenskap geroep sal word.
Ons nooi almal, gesinne en/of enkellopendes, uit om deel van ons fokus te word.
Kleinroepe vergader elke aand van die week van Maandae tot Donderdae en dan ook op Vrydag oggende.
Indien u wil aansluit voltooi slegs die "kontakvorm" op die webwerf, meld u naam, adres en u voorkeur van watter tyd u sou verkies om by te woon. Die res sal vir u gedoen word.
Ons sien uit  daarna om u te verwelkom by ons kleingroep familie.
Die Kerkraad.
Nuus‎ > ‎

Uithaal van die bome op die kerkterrein

posted 11 Feb 2010 04:59 by Corrie Naude
Hier volg `n uittreksel uit die notule van die afgelope kerkraadsvergadering wat op 26 Januarie 2010 gehou was.
 
Bome op die kerkterrein

Die bome in die parkeerterrein aan die oostekant van die kerk raak ongelukkig `n probleem. Die wortels is besig om die parkeerarea op te breek. Geen herstelwerk aan die parkeerarea kan gedoen word terwyl die bome steeds daar is nie. Die wortels  is ook vinnig besig om na die kerkgebou te groei waar dit groot strukturele skade kan berokken.

Een van die bome het ook reeds omgewaai as gevolg van `n verrotte wortelstelsel. Die bome is oud en die ander sal weldra dieselfde pad volg. Die Kerkraad keur met groot spyt goed dat die bome afgekap moet word.

Goedgekeur