KENNISGEWINGS

KLEINGROEP KERKWEES 2012
Soos ook elders op ons webwerf opgemerk kan word fokus ons hierdie jaar om ons kleingroepbediening uit te brei.
Die besluit om deel van `n kleingroep te word kan dalk die belangrikste besluit van `n mens se lewe wees. Nie net verseker dit geestelike groei in ons lewens, wat ons almal so nodig het nie, maar dit berei ons ook voor vir daardie dag wat elkeen tot rekenskap geroep sal word.
Ons nooi almal, gesinne en/of enkellopendes, uit om deel van ons fokus te word.
Kleinroepe vergader elke aand van die week van Maandae tot Donderdae en dan ook op Vrydag oggende.
Indien u wil aansluit voltooi slegs die "kontakvorm" op die webwerf, meld u naam, adres en u voorkeur van watter tyd u sou verkies om by te woon. Die res sal vir u gedoen word.
Ons sien uit  daarna om u te verwelkom by ons kleingroep familie.
Die Kerkraad.
Nuus‎ > ‎

Dankie vir Sendingfees

posted 22 Sep 2010 03:41 by Naude Kritzinger   [ updated 22 Sep 2010 03:55 ]
Ons is dankbaar vir 'n geseende Sendingfees. Mag die boodskap van Ds Sakkie Weber ons vir altyd bybly: Ons is almal geroep; al is dit dalk nie almal op die voorpunt nie. Jy kan sê "Ek wil nie" maar jy kan nie sê "Ek is nie geroep nie". En die kinders het opgewonde geraak oor ons wat as die kerk WereldWydWerk En die sendingstap (Crosswalk). En, en, en.... 
MAAR daar lê nog 'n groot uitdaging voor: Die geloofsbelofte-offer het 41.72% geval na R245 000. Vertrou saam met ons dat nog beloftes en finansies sal inkom sodat ons nie aan hierdie werk hoef te sny nie.