KENNISGEWINGS

KLEINGROEP KERKWEES 2012
Soos ook elders op ons webwerf opgemerk kan word fokus ons hierdie jaar om ons kleingroepbediening uit te brei.
Die besluit om deel van `n kleingroep te word kan dalk die belangrikste besluit van `n mens se lewe wees. Nie net verseker dit geestelike groei in ons lewens, wat ons almal so nodig het nie, maar dit berei ons ook voor vir daardie dag wat elkeen tot rekenskap geroep sal word.
Ons nooi almal, gesinne en/of enkellopendes, uit om deel van ons fokus te word.
Kleinroepe vergader elke aand van die week van Maandae tot Donderdae en dan ook op Vrydag oggende.
Indien u wil aansluit voltooi slegs die "kontakvorm" op die webwerf, meld u naam, adres en u voorkeur van watter tyd u sou verkies om by te woon. Die res sal vir u gedoen word.
Ons sien uit  daarna om u te verwelkom by ons kleingroep familie.
Die Kerkraad.

Nuus

Subscribe to posts

DIENS VAN BARMHARTIGHEID – DESEMBER 2011 BRING HOOP EN MAAK `N VERSKIL

posted 12 Dec 2011 09:34 by Willie Naude   [ updated 12 Dec 2011 10:37 by Corrie Naude ]




Wonderboompoort gemeente aan die werk in `n poging om werlik  `n verskil te maak.










`n Deel van die 74 geskenkpakkies wat vir inwoners van die Holy Cross tehuis voorberei word. Die oorhandiging voor Kersfees is `n jaarlikse instelling wat deur ons gemeente van stapel gestuur word.













Helpers van die koskombuis wat op 9 Desember 2011 gehelp het om 59 spesiale vyfster kersetes voor te berei vir behoeftige mense.
















Kersgeskenke vir Pennies se kleuters asook pennies se “Ultimate Christmas” projek. Die kleuters se geskenke en die kos en kruidenierspakkies vir die 350 behoeftige middestad-gesinne is besig om al meer te word in die kerk se voorportaal.

'n Kerssangfees!

posted 28 Nov 2011 04:33 by Naude Kritzinger   [ updated 28 Nov 2011 13:01 ]

27 November was dit 'n Kerssangfees wat nog baie vir die toekoms voorspel. Ons is dankbaar vir die verskeidenheid in ons gemeente: Die kleuters wat geskenkies uitdeel, die koor wat suiwer sing, die jnr juig sing met bewegings. Dit was hoendervleis om saam met die aand se "band" meegesleur te word met Koes Doep se Somerkersfees. En te sing. En as mense vorentoe stap om (met 'n geskenkie aan die groot boom) dankie te sê vir mense, voorsiening, en beskerming - dan kon mens sien hierdie dankbaarheid vir die jaar kom uit die hart uit. Mag dit die begin wees van 'n kersseisoen waar die Lig weer 'n keer sigbaar na die wêreld toe kom!

'n SendingFEES

posted 23 Sep 2011 06:17 by Naude Kritzinger

4-11 September was 'n wonderlike en geseende tyd gewees met ons sendingfees. Michael Hack, van OM (Operasie Mobilisasie) het die vlam in ons gemeente se sendingywer weer opnuut aangeblaas as hoofspreker. 'n Sendingstap en piekniek op die Sondag-middag was ook heerlik. En ons is so dankbaar: Die Geloofsbelofte-offer beloop R431 000, meer as R100 000 meer as wat die vorige jaar belowe is. Hier op die foto is die sendingstap wat hierdie jaar Vrydag-aand was. Ons kon die Lig letterlik ons omgewing indra. Met die geel hemp is ds Christo Verkeuyl, ons sendeling in die Fillipyne wat die opening waargeneem het.

'n Heerlike, Geseënde Basaar

posted 30 May 2011 07:08 by Naude Kritzinger

Die Here het ons weereens geseën met 'n heerlike gesellige basaar. Die gees en betrokkenheid by Vrydag-aand se spin-om-die-wêreld was iets besonders. En Saterdag se saamwees, saamspeel en saameet saam met al die lande van die wêreld was 'n fees. 'n Voorlopige bedrag van meer as R61 000 is met die poging gemaak. Dankie vir elkeen van julle wat daarin deel gehad het.

'n Alte-lekker Jnr Jeugkamp

posted 14 Mar 2011 03:13 by Naude Kritzinger   [ updated 14 Mar 2011 03:18 ]

Die Here het ons weer geseen met 'n wonderlike naweek saam met die laerskoolkinders van 11 tot 13 Maart. Die kamp was by Alte-lekker jeugkampterrein (vir ons 'n eerste). Dank die Here vir elke pragtige kind. En dankie aan die personeel wat hulle gawes so entoesiasties uitleef.

'n Nuwe Omgeebediening Begin

posted 2 Mar 2011 01:34 by Naude Kritzinger

In getrouheid tot ons roeping "Die Here stuur Wonderboompoort na verwonde gesinne", het 15 lidmate op 15 Februarie saamgekom om 'n nuwe omgeebediening te begin. Die omgee-bediening is lidmate wat hulle bereid verklaar het om moeite te doen met mense wat deur ’n moeilike tyd gaan, soos bv hospitalisering. Ander gesinne worstel met kanker of het 'n geliefde deur die dood verloor.

Daar word al 'n geruime tyd besef dat die predikante en 'n handjievol ouderlinge onmoontlik 'n hele gemeente kan ondersteun. Die oudiobediening is deel van hierdie bediening deurdat hulle huisgebonde lidmate besoek.

Kontak Ds Naudé of hoofouderling Jury Hayes (012)377-2010 vir meer besonderhede

Ons eerste Mannekamp en 'n Kerskonsert

posted 6 Dec 2010 06:21 by Naude Kritzinger

Ons gemeente se eerste mannekamp (waarvan ek weet) hierdie naweek was 'n reuse sukses. Ek vermoed ons gaan sommer gou-gou die befaamde vrouekamp verbysteek. Dankie Righard vir jou groot bydra. As afsluiting het heelwat van die manne hulle vrouens na die kerskonsert by die Nienabers se huis vergesel. Ook dit was heerlik!

posted 6 Dec 2010 06:20 by Naude Kritzinger   [ updated 2 Mar 2011 01:33 ]




Barmhartigheidsdiens in Wonderboompoort aan die werk.

posted 2 Dec 2010 23:54 by Corrie Naude   [ updated 6 Dec 2010 01:27 ]

Die Sopkombuis verskaf `n vyfster ete.
Op 26/11/2010 het die span werkers 55 borde watertand etes saam met `n nagereg, koekies en geskenkies aan behoeftige persone voorsien. Die ete is gegee ter afsluiting van die jaar se werksaamhede en ook om al die betrokkenes `n geseende kersfees en `n voorspoedige nuwejaar toe te wens.
Geskenkpakkies vir Holy Cross.
Op 2 Desember 2010 is 84 geskenkpakkies verpak wat aan inwoners van die Holy Cross inrigting geskenk gaan word vir kersfees.
 
Baie dankie aan al die persone wat so hard gewerk het. Dankie ook aan die gemeente wat geskenkies gegee het aan die kinders van Pennies. Hulle hartjies gaan voorwaar baie bly gemaak word.

`n Klompie van die hardwerkendes kan in beeld gesien word.(kliek op foto om te vergroot)

Die afsluitings het afgesluit!

posted 28 Nov 2010 21:58 by Naude Kritzinger

Met die kerssangdiens wat gister-aand was, is die meeste aktiwiteite reg om te estiveer (te somerslaap) oor Desember. Onder andere die snr bybelstudie by Bugatti's, Die kleuterkerk by Wonderboom en die jnr kategese het sommer 'n hele diens geskaak en vir almal vertel wat die evangelie nou regtig is. Dankie vir almal en 'n geseende kerstyd vorentoe! Ek is seker die Here bepan groot dinge vir ons vir 2011.

1-10 of 27