KENNISGEWINGS

KLEINGROEP KERKWEES 2012
Soos ook elders op ons webwerf opgemerk kan word fokus ons hierdie jaar om ons kleingroepbediening uit te brei.
Die besluit om deel van `n kleingroep te word kan dalk die belangrikste besluit van `n mens se lewe wees. Nie net verseker dit geestelike groei in ons lewens, wat ons almal so nodig het nie, maar dit berei ons ook voor vir daardie dag wat elkeen tot rekenskap geroep sal word.
Ons nooi almal, gesinne en/of enkellopendes, uit om deel van ons fokus te word.
Kleinroepe vergader elke aand van die week van Maandae tot Donderdae en dan ook op Vrydag oggende.
Indien u wil aansluit voltooi slegs die "kontakvorm" op die webwerf, meld u naam, adres en u voorkeur van watter tyd u sou verkies om by te woon. Die res sal vir u gedoen word.
Ons sien uit  daarna om u te verwelkom by ons kleingroep familie.
Die Kerkraad.

Agtergrond

Die gemeente het in 1950 tot stand gekom met die afstigting van Daspoort. Die gemeente bedien die hele Mountain View en Suiderberg. 
 
Ons is tans ongeveer 1341 belydende en 391 dooplidmate.  Daar is 656 besoekpunte en die gemeente word deur 2 predikante bedien wat voltyds in diens staan.
 
Die gemeente se betrokkenheid by die Venootskap van Gestuurde Gemeentes het daartoe gelei dat die Kerkraad `n Langtermynbedieningsplan geïmplimenteer het wat vanaf 2008 tot en met 2011 sal strek. Dit is uit hierdie plan wat die gemeente se roeping "Die Here stuur Wonderboompoort na verwonde gesinne" voortgespruit het.
 
Interessante inligting.
  • Die gemeente het 'n wêreldrekord in die Guinness Book of World Records:

           'n 1.5km lange gebraaide sosatie (6 Mei 2000)

  • Die kerkgebou is 18 meter hoog, en die toring 25m.