KENNISGEWINGS

KLEINGROEP KERKWEES 2012
Soos ook elders op ons webwerf opgemerk kan word fokus ons hierdie jaar om ons kleingroepbediening uit te brei.
Die besluit om deel van `n kleingroep te word kan dalk die belangrikste besluit van `n mens se lewe wees. Nie net verseker dit geestelike groei in ons lewens, wat ons almal so nodig het nie, maar dit berei ons ook voor vir daardie dag wat elkeen tot rekenskap geroep sal word.
Ons nooi almal, gesinne en/of enkellopendes, uit om deel van ons fokus te word.
Kleinroepe vergader elke aand van die week van Maandae tot Donderdae en dan ook op Vrydag oggende.
Indien u wil aansluit voltooi slegs die "kontakvorm" op die webwerf, meld u naam, adres en u voorkeur van watter tyd u sou verkies om by te woon. Die res sal vir u gedoen word.
Ons sien uit  daarna om u te verwelkom by ons kleingroep familie.
Die Kerkraad.
Bedienings‎ > ‎

Mediabediening

Die biblioteek is al vir etlike jare in bedryf en word goed deur gemeentelede ondersteun.
 
Behalwe Christelike boeke kan CD’s en DVD’s gratis uitgeneem word.  
 
Die oudiobediening voorsien ook in ’n groot behoefte. Opnames van die eredienste word weekliks gratis aan ongeveer 40 bejaardes en siekes gegee.
 
Agt CD-spelers word op ’n uitleen basis aan lidmate verskaf. CD’s van die eredienste word ook tot die beskikking van drie ouetehuise gestel.
 
Die diens is verder uitgebrei en dagstukkies word deur ’n aantal lidmate voorgelees en op CD opgeneem om dan aan tien swaksiende en/of blinde persone beskikbaar gestel.
 
Persone wat graag hier betrokke wil raak kan die kontakvorm links onderaan die bladsy gebruik om hulle besonderhede te verstrek.