KENNISGEWINGS

KLEINGROEP KERKWEES 2012
Soos ook elders op ons webwerf opgemerk kan word fokus ons hierdie jaar om ons kleingroepbediening uit te brei.
Die besluit om deel van `n kleingroep te word kan dalk die belangrikste besluit van `n mens se lewe wees. Nie net verseker dit geestelike groei in ons lewens, wat ons almal so nodig het nie, maar dit berei ons ook voor vir daardie dag wat elkeen tot rekenskap geroep sal word.
Ons nooi almal, gesinne en/of enkellopendes, uit om deel van ons fokus te word.
Kleinroepe vergader elke aand van die week van Maandae tot Donderdae en dan ook op Vrydag oggende.
Indien u wil aansluit voltooi slegs die "kontakvorm" op die webwerf, meld u naam, adres en u voorkeur van watter tyd u sou verkies om by te woon. Die res sal vir u gedoen word.
Ons sien uit  daarna om u te verwelkom by ons kleingroep familie.
Die Kerkraad.
Bedienings‎ > ‎

Jeug

Die aanddienste word hoofsaaklik op die jeug gefokus. Almal is egter welkom om hierdie dienste by te woon.

Die aanddienste en kategese is geïntegreer in een ontmoeting, 18:00 die aand. Na die lofprysing word 'n boodskap of tema ingelui, waarna die kinders om 18:50 verdeel in hulle klasse waar die tema verder voortgesit sal word. Die studente en volwassenes wat die byeenkoms bywoon word aangemoedig om ook in geselsgroepe te verdeel. Ons verdaag gewoonlik 19:15

Tydens die aandbyeenkomste word sterk gefokus op die skoolgaande jeug.  Die program van Bybelmedia, "Facebook" word tydens die byeenkomste gevolg.

Enige navrae of voorstelle kan aangestuur word deur die kontakvorm links onderaan die bladsy te gebruik, of op die jeug se eie kontakvorm.

Neem kennis dat jy geregistreer moet wees op Facebook vir toegang. 
Kliek en u sal outomaties na die registreerbladsy geneem word...