Båtforening og gjestehamn / Boating Association and Guest Harbor,
5560 Nedstrand
Nedstrand ligg flott til i Ryfylke der Boknafjorden og Vindafjorden møtest, skjerma for nordavinden og med ein fantastisk natur. Båtforeninga har 123 faste plassar i flytebrygge med bølgedempar og plass til 20-30 gjestebåtar. Det er tilgang til straum og vatn i hamna og drivstoff frå automatpumpe. Dei lokale kjøpennene har eit utval av tau og anna utstyr til båt i tillegg til vanlege kolonialvarer. Butikkar og kafe er rett ved båtforeninga.
På denne heimesida vil du finne informasjon om båtforeninga og hamna vår til medlemmar og gjester. Vi vil også kome med informasjon om turalternativ og attraksjonar som er verdt å bruke tid på når du gjestar bygda vår. Velkommen!
Mykje godt arbeid på dugnaden
Omkring 20 personar stilde til dugnad på Palmelaurdag. Denne gongen hadde dei aller fleste meldt seg til dugnaden, difor kunne vi setje opp arbeidslag og fordele oppgåver på førehand. Det vart gjort mykje bra vedlikehald og kontroll og i tillegg vart innreiinga i reiskapshuset gjort ferdig. Vi har også laga klart til å flytte straumskapet inn i huset.
Neste dugnad blir 14. mai. Vi har alt byrja å få påmeldingar. Vi har nok å gjere på denne dugnaden også, så meld deg på!
Årsmøtet 2011
Årsmøtet for 2011 vart gjennomført den 1. april med få frammøtte. Av det som vart drøfta, kan vi nemne:
- Positiv haldning til å legge om betaling av dugnadsavgift til hausten (altså ikkje lenger året etter)
- Støtte til styret sine planar om å tilby trådlaust breiband i hamna. Dette vil også gi muligheit for web-kamera med overdikt over hamna.
- Støtte til styret sitt forslag om reduksjon av årlege avgifter når anleggsbidraget til Tysvær kommune er nedbetalt. Dette vil truleg bli kombinert oppregulering av årsavgift til 200 kroner.
- Kjell Varlo Larsen tok ikkje gjenvalg til styret, Rolf Arne Hovland vart nytt medlem. Formann og kasserer vart gjenvalgde.
Du finn oversikt over og kontaktinformasjon til styret her.
Det er no installert målarar på alle kontaktar. Dei som har bestilt målar må ta kontakt med Arne Myskja (98214722) for å få hengelås til sin kontakt og avlest startstand på målaren. For alle andre gjeld det at det er lov å vere tilkopla maskimalt 24 timar (for lading, arbeid osb) og at forbruket skal estimerast og betalast i kassa.
Dei som har vore tilkopla straum (meir enn dei 24 timane) i vinter, må også ta kontakt slik at vi kan få kalkulert forbruk og ordna opp.
Les meir her!
Er plassen din ledig i ein periode?
Vi treng melding om plassar som er ledige for døgnleige for kortare eller lengre tid. Send epost til foreninga eller ein SMS til telefon 467 67 200 med PLASSNUMMER og DATO plassen er ledig til. Vi tenkjer å ha ei liste med plassar som gjestane kan bruke.
Søppel
Vår søppelordning er berre for hushaldningsavfall. Det står i dag eit batteri ved søppelkontaineren. Det vil ikkje bli tatt med av HIM, så den som har sett det der må fjerne det sjølv!
Kalender
over aktiviteter i foreninga. For meir aktiviteter på Nedstrand, gå til
www.nedstrand.info.
Nedstrand Båtforening: nedstrand.bf@gmail.com. Kto 3332.20.08495 Webredaktør: Arne Myskja
