For our place na good thin

Wen somebody get belle

But dis Africa belle

Don overmature

Soso famine and kwarshiokor borku

And beggar, beggar contri eferiwhere.

Long, long time after slavery

And efensef colonial master don comot

Still Africa no wan deliver.

Na some Africa man sell dem broder

Again, again dem dey hala for IMF and

Im cousin World Bank.

Dis time dem go blow grammar for UN and OAU

Becos dem be independent  contri abi?

But my sista, na all of us sabi say

Na only flag we get:

Our maiguard dey combine with armu robber !

E don overdue

Belle no wan comot

Na so Africa dey roll for ground

Becos de pain don pass mental:

Africa get belle