Hönd í Hönd tónleikar færa Mæðrastyrksnefnd 740.000 kr styrk Í nóvemberbyrjun stóð Kvennakór Kópavogs, í þriðja sinn fyrir góðgerðartónleikunum Hönd í hönd, til stuðnings Mæðrastyrksnefnd Kópavogs. Tónleikarnir voru haldnir í samstarfi við Digraneskirkju og heppnuðust þeir afar vel. Nánsast hvert einasta sæti í kirkjunni var fullt og varð afraksturinn alls 740.000 kr. sem renna óskiptar til Mæðastyrksnefndar Kópavogs. Fulltrúar kvennakórsins afhenti Mæðrastyrksnefnd Kópavogs upphæðina nú um miðjan nóvember og var þeim afar vel tekið enda mun féð koma starfi mæðratyrksnefndarinnar að afar góðum notum fyrir jólin, og veitir ekki af því þeir eru margir sem þurfa á aðstoð þeirra að halda. Auk Kvennakórs Kópavogs, undir stjórn Gróu Hreinsdóttur, komu fram á Hönd í hönd tónleikum 2011 Hulda María Halldórsdóttir, séra Gunnar Sigurjónsson, Ingveldur Ýr Jónsdóttir, Vallargerðisbræður, Drengjakór Hafnarfjarðar, Ólöf Jara Skagfjörð og Þórður Gunnar Þorvaldsson, Sigurður Guðmundsson úr Hjálmum, Sigríður Thorlacius og Guðmundur Óskar Guðmundsson úr Hjaltalín og félagar úr Skólahljómsveit Kópavogs. Kvennakór Kópavogs vill koma á framfæri innilegu þakklæti til allra þeirra sem á einn eða annan hátt lögðu tónleikunum lið, bæði flytjendum, starfsfólki Digraneskirkju og öðru aðstoðarfólki, og ekki síður öllum þeim góðu gestum sem á tónleiakna komu og studdu þannig við verkefnið. Hönd í Hönd 2011 - GóðgerðartónleikarKærar þakkir!  Kvennakór Kópavogs, í samstarfi við Digraneskirkju, stendur nú þriðja árið í röð fyrir góðgerðartónleikum til stuðnings Mæðrastyrksnefnd Kópavogs. Ásamt kvennaórknum mun fjöldi þekkts tólnilstarfólks taka þátt í tónleikunum sem haldnir verða í Digraneskirkju þann 6. nóvember næstkomandi. Allir flytjendur og aðstandendur tónleikanna gefa vinnu sína og aðgangseyrir rennur því óskiptur til Mæðrastyrksnefndar. Smellið á auglýsinguna hér fyrir neðan til að fá nánari upplýsingar.  Móttaka í Ljósinu vegna hringferðar Daniels Hutton Breski íslandsvinurinn Daniel Hutton, sem undanfarið hefur verið á ferðinni kringum Ísland á hjóli, lýkur nú senn ferð sinni um landið en hann hefur þá lokið þeim glæsilega áfanga hjóla allan hringinn kringum landið, að Snæfellsnesi og Vestfjörðum meðtöldum. Ferð Daniels er gerð í góðgerðarskyni og renna þeir fjármunir sem hann hefur safnað á leiðinni að hálfu til Ljóssins, endurhæfingar- og stuðningsmiðstöð fyrir fólk sem hefur fengið krabbamein og að hálfu til Carers' Resource sem eru samtök stuðningsaðila sjúklinga í Bretlandi. Af þessu tilefni verður móttaka í Ljósinu þann 29. september kl. 15:00-18:00. Ýmis skemmtiatriði verða á döfinni og er gaman frá því að segja að Kvennakór Kópavogs er eitt af þeim, en einnig verða grillaðir hamborgarar á staðnum svo enginn þarf að fara svangur heim. Aðgangseyrir er 1.000 kr. Við hvetjum ykkur öll til að mæta á staðinn til að sýna ferð Daniels og málefnum Ljóssins ykkar stuðning. Sjáumst þá!  Kvennakór Kópavogs í leir - Hönnuður Harpa Snæbjörnsdóttir Haustbyrjun og opnar æfingar Kvennakór Kópavogs hefur sitt tíunda starfsár þann 23. ágúst n.k. nú með nýjan kórstjóra í farteskinu, Gróu Hreinsdóttur. Óhætt er að lofa því að spennandi og lífleg dagskrá sé framundan sem að sjálfsögðu mun eitthvað tengjast stóra afmælinu. Æfingar verða sem fyrr í sal Hörðuvallaskóla, á þriðjudagskvöldum kl. 19:30-22.00. Kvennakórinn býður nýja söngfulga velkomna í Kórinn og hvetur konur sem áhuga hafa á að starfa í kór í vetur í góðum félagskap, söng og gleði, að mæta á einhverja af fyrstu þremur æfingunum (þann 23. ágúst, 30. ágúst eða 6. september) og kynna sér starfsemi kórsins nánar. Einnig er hægt að fá nánari upplýsingar á netfanginu kvennakorkopavogs@gmail.com eða hjá Sigríði Tryggvadóttur formanni í síma 846-7915. Sjáumst! Tóndæmi frá Hönd í Hönd tónleikum í Digraneskirkju í nóv. 2010
Hér má sjá tóndæmi þar sem Kvennakór Kópavogs syngur á Hönd í hönd tónleikum í nóvember 2010.
Vindsins Litadýrð
Lag: Alan Menken
Texti Stephen Schwartz Ísl. þýðing: Ágúst Guðmundsson I want to spend my lifetime loving you Lag/texti: Will Jennings, James Horner _____________________________________________________ netfang: kvennakorkopavogs@gmail.com - sími: 846 7915 Æfingahúsnæði er í Hörðuvallaskóla, Baugakór 38 kt.: 520202-3070 - reikningur númer: 1135-05-20102 |