Skoðið heimasíðuna www.bjjudo.com fyrir nánari upplýsingar um bjj og judo

Um helgina var haldið Mjölnir Open glímumótið þar sem keppt var í uppgjafarglímu. Á mótinu voru margir bestu glímumenn landsins og þar á meðal Gunnar Nelson, Sighvatur Helgason og Auður Olga Skúladóttir, en þau eru meðal bestu brazilian jiu jitsu keppenda landsins. Auk þeirra voru sumir af bestu judokeppendum landsins að keppa á mótinu. Júdódeild Njarðvíkur er með æfingar í brazilian jiu jitsu og er sá hópur gjarnan kallaður Sleipnir/UMFN. Þrír keppendur kepptu frá Sleipni/UMFN á Mjölnir Open og stóðu sig eins og best var á kosið. Guðmundur Stefán Gunnarson, judoþjálfari hjá UMFN keppti í +99 kg. flokki karla og sigraði allar sínar glímur í flokknum örugglega á hengingartaki og sigraði þar með flokkinn. Helgi Rafn Guðmundsson og Björn Lúkas Haraldsson kepptu báðir í -77 kg. flokki karla, en sá flokkur var sá fjölmennasti á mótinu. Helgi þjálfar brazilian jiu jitsu hjá Sleipni/UMFN og taekwondo hjá Keflavík og Grindavík. Helgi sigraði fyrstu glímuna sína á fótalás, næstu glímu sigraði hann á stigum og sá þriðju, einmitt á móti Birni Lúkasi, á hengingartaki. Helgi sigraði því sinn flokk. Björn Lúkas sigraði sína fyrstu glímu á armlás, og næstu tvær sigraði hann á fótalás. Helgi og Björn mættust því í úrslitum flokksins eftir að hafa slegið út alla aðra mótherja í flokknum og var það Helgi sem stóð uppi sem sigurvegari eftir góða og jafna glímu. Björn Lúkas, sem er eingöngu 16 ára stóð sig frábærlega á þessu móti. Hann er einn efnilegasti bardagamaður landsins en hann æfir m.a. taekwondo og júdó með Grindavík og brazilan jiu jitsu hjá Sleipni/UMFN. Björn hefur verið Íslandsmeistari í öllum þessum greinum og Norðurlandameistari í júdó. Hann var nýverið í æfingabúðum í Tælandi þar sem hann lagði m.a. stund á brazilan jiu jitsu, blandaðar bardagalistir (MMA) og tælenskt sparkbox (muay thai). Þetta voru því draumaúrslit fyrir keppendurnar frá Suðurnesjunum, en fyrir vikið var Sleipnir/UMFN í 2. sæti stigakeppninnar þrátt fyrir einöngu 3 keppendur. Mjölnir Open en stærsta og sterkasta mót í uppgjafarglímu sem haldið er hvert ár og því er árangur okkar manna mjög góður.

Brazilian jiu jitsu er glímuíþrótt sem er skyld júdó. Helsti munur á þeim íþróttum er að í brazilian jiu jitsu er mun meiri áhersla á gólfglímu og svo er keppnum í íþróttinni skipt í tvennt; annars vegar keppni í júdógalla, og hins vegar án hans, en þá er keppt í stuttbuxum og bol. Sú keppni er gjarnan kölluð uppgjafarglíma án galla. Hægt er að sigra glímu ef andstæðingur gefst upp vegna hengingar eða liðamótlás, en einnig er hægt að sigra glímu á stigum.

Mikil gróska er í bardagalistum á Suðurnesjunum en nú eru æfingar að hefjast hjá öllum félögunum í Reykjanesbæ. Þjálfarar hjá UMFN judo, Keflavík taekwondo og HFR box eru með metnaðarfullt starf og íþróttafræðinga meðal sinna þjálfara. Félögin hafa öll náð frábærum árangri á landsvísu og eru meðal sterkustu félaga í hverri grein fyrir sig.

BJJ æfingarnar verða nú oftast í Reykjaneshöllinni kl 19:15, nema annað sé auglýst.

   

Allar æfingar í íþróttahúsinu á Ásbrú

21. des brazilian jiu jitsu kl 18-19:30
22. des taekwondo kl 18-19:30
23 des frjáls/bjj kl 10:00-12:00
27 des taekwondo kl 16-17:30
28. des jólaþrek (kettlebells) kl 16-17, frálst/bjj frá 17-18
29. des taekwondo kl 16-17:30
30. des jólaþrek (kettlebells) kl 16-17, frjálst/bjj frá 17-18

Arnar Freyr úr Combat Gym kemur í Sleipni á fimmtudag og verður með workshop. Æfingin verður lengur, eða frá 19-21:30. Allir að mæta

Æfingar byrja aftur þriðjudaginn 7. sept. Byrjendatímar eru í bæði kettlebells og BJJ. Áhugasamir geta mætt vikuna 6-10. sept í ókeypis prufutíma. Skoðið æfingatöfluna fyrir nánari upplýsingar.

Það er komið sumarfrí á öllum æfingum hjá Sleipni.

Hægt er að mæta á þriðjudögum, fimmtudögum og föstudögum til að rúlla ef einhverjir melda sig saman um það.

Takk fyrir veturinn og sjáumst öll aftur í haust.

Íslandsmót barna og unglinga var haldið af BJÍ um helgina. Björn Lúkas Haraldsson keppti fyrir hönd Sleipnis í -78kg flokki unglinga og fór með sigur af hólmi. Hann sigraði báðar sínar glímur mjög örugglega án þess að fá á sig stig. Báðar glímurnar vann hann með þvi að knýja andstæðinga sína til uppgjafar, annarsvegar með hengingu og hinsvegar með armlás. Björn Lúkas er því fyrsti Íslandsmeistari Sleipnis, sem á vel við því fyrir  3 vikum síðan varð hann fyrsti Íslandsmeistari Gríndvíkinga í taekwondo.

Mynd Jóhann Eyvindsson

Mjölnir Open 5 var haldið í Ármannsheimilinu um helgina. 5 keppendur frá Sleipni mættu til leiks. Í +60kg flokki kvenna og opnum flokki kvenna varð Rut Sigurðardóttir í 3. sæti. Í -77kg flokki karla varð Helgi Rafn Guðmundsson í 2. sæti, en flokkurinn var sá stærsti á mótinu, með 26 keppendur. Aðrir keppendur Sleipnis stóðu sig einnig vel og mikil bæting hjá keppendum á milli móta. Á mótið mættu um 70 keppendur frá 7 félögum og var mótið því um helmingi stærra en í fyrra. Mikil gróska er í gólfglímuíþróttinni eins og sést og mikið af öflugu keppnisfólki að koma upp.


+ 60 kg Konur

1. Auður Olga skúladóttir - Mjölnir
2. Kristín Sigmarsdóttir - Pedro Sauer
3. Rut Sigurðardóttir - Sleipnir

-66 kg Karlar

1. Arnar Bjarnason - Combat Gym
2. Pétur Haukur Jóhannesson - Mjölnir
3. Aron Daði Bjarnason - Fenrir

-77 kg Karlar

1. Arnar Freyr Vigfússon - Combat Gym
2. Helgi Rafn Guðmundsson - Sleipnir
3. Jósep Valur Guðlaugsson - Mjölnir

-88 kg Karlar

1. Gunnar Nelson - Mjölnir
2. James Davis - Mjölnir
3. Sighvatur Helgason - Mjölnir

-99 kg Karlar

1. Þráinn Kolbeinsson - Mjölnir
2. Haraldur Óli - Combat Gym
3. Hrólfur Ólafsson - Mjölnir

+99 kg Karlar

1. Guðmundur Þór Sævarsson - Combat Gym
2. Gunnar Páll Helgason - Mjölnir
3. Heimir Freyr Heimisson - Mjölnir

Opinn Flokkur Kvenna

1. Auður Olga skúladóttir - Mjölnir
2. Kristín Sigmarsdóttir - Pedro Sauer
3. Rut Sigurðardóttir - Sleipnir

Opinn Flokkur Karla

1. Gunnar Nelson - Mjölnir
2. Sighvatur Helgason - Mjölnir
3. James Davis - Mjölnir

Heildarstig

1. Mjölnir = 28 stig
2. Combat Gym = 11 stig
3-4. Pedro Sauer = 4 stig
3-4. Sleipnir = 4 stig
5. Fenrir = 1 stig

Helgi Rafn Guðmundsson, bjj og ketilbjölluþjálfari Sleipnis fékk um daginn blátt belti í brazilan jiu jitsu. Beltið gaf Arnar Freyr Vigfússon eftir frammistöðu Helga á mótum og æfingum. Helgi þurfti að þreyta Ir on Man glímu það sem glímt er á móti ferskum mótherja endurtekið. Hægt er að sjá myndband af glímunum á facebook síðu Sleipnis -  http://www.facebook.com/#!/group.php?gid=87722421652&ref=ts

Helgi æfir nú ásamt öðrum meðlimum Sleipnis fyrir Mjölnir Open sem verður 20. febrúar.