Merħba f'dan is-sit iddedikat għall-Musika liturġika ġdida bil-Malti. Il-kant li jinsab hawn, principalment inkiteb minni, minn ġiżwiti Maltin oħra, jew minn xi ħbieb; issibu wkoll xi siltiet miġjuba għall-Malti minn ilsna oħra. Il-prinċipji li jrieġu dan ir-repertorju huma dawn li ġejjin:
Mhux faċli tikteb poeżija lirika b'Malti tajjeb, għaliex il-gosti fonetiċi tagħna huma ibbażati fuq l-Ingliż u t-Taljan, u ċerti kumbinażjonijiet ta' konsonanti semitiċi jidhrulna tqal u goffi. It-tentażjoni hi li wieħed juża ħafna Malti taljanizzat jew kliem b'kontentut vokaliku għoli, speċjalment fis-sillabi finali. Jekk imbagħad wieħed joqgħod jitqanżaħ biex iżomm ir-rima, mingħajr ma jkun kapaċi juża Malti qadim jew isawwar kliem ġodda (bħal ma kellhom il-kuraġġ jagħmlu nies bħal Dun Karm), faċli jispiċċa jikteb poeżija banali u ridikola. Ser iħallikom mela tgawdu din id-damma ta'kant, u tiffurmaw l-opinjoni tagħkom bil-kalma. L-akkumpanjamenti huma ħafna drabi esperimentali; qegħdin hemm sempliċement biex juru li dan il-kant jista' jiġi adattat għal ġosti mużikali differenti: medjevali, barokk, rokk, gospil, pop tas-70ijiet, tat-80ijiet u aktar reċenti... Sliem, u s-smiegħ it-tajjeb! Fr René Micallef sj. N.B. Fil-poeżija ma japplikawx ir-regoli dwar il-vokali tal-leħen. Jekk xi ħadd jixtieq jistampa l-kliem ta´dan il-kant, tajjeb li ma jmissx il-vokali (u l-"w"), sabiex min ikantah ikun jista' jsegwi b'kumdità is-sillabi kollha. |