عرضحال إيچون سلطانه گلدم

سآئلم لطف إحسانه گلدم

درد فراقه درمان آره ديم

بن اول طبيبله درمانه گلدم

جان قولاغيله حسنني طويوب

شمع جماله پروانه گلدم

عشكنه اولدم آنڭ گرفتار

قالمدى عقلم ديوانه گلدم

آماده اولمش چون خمر صافى

نوش أيليوبن مستانه  گلدم

يغمالدى عشق زهد تقوامى

علم عملدن بيگانه گلدم

حكمنى إجراإيتدى عشق بنده

يانمغه نارسوزانه گلدم

محوفناده بولدم صفائ

يوقلقله راه مردانه گلدم

بلدمكه وارلق برده درحقه

رفع إيدوب آنى جانانه گلدم

أيلدى توحيد خوش بنى إرشاد

برقطره إيكن عمّانه گلدم

دركه قدّسى ألحمدللّه

قاچدم سوادن يزدانه گلدم

Arzuhal içün sultana geldim

Sailem lüfu ihsana geldim

Derdi firaka derman aradım

Ben ol tabible dermane geldim

Can kulağıyla hüsnünü duyup

Şem-i cemale pervane geldim

Aşkına oldum anın giriftar

Kalmadı aklım divane geldim

Amade olmuş çün hamri safi

Nuş eyleyüben mestane geldim

Yağmaladi aşk zühdi takvamı

İlmu amelden bigane geldim

Hükmünü icra etti aşk bende

Yanmağa nari suzana geldim

Mahvi fenada buldum safayi

Yoklukla rahi merdane geldim

Bildimki varlık birdedir hakka

Ref’ idup ani canane geldim

Eyledi tevhid huş beni irşad

Bir katre iken ummana geldim

Derki Kuddusî Elhamdullillah

Kaçdım sivadan Yezdane geldim