Këtu janë disa nga programet e vogla apo të mëdha që i kam punuar në kohën e lirë.

• Shahu me lojëra në fajl është program që luan shah me njeriun sipas lojërave të shahut që i ka në fajl tekstual. Programi punon me çfarëdo lojë që vendosen në fajlin përkatës, sipas standardit të caktuar. Autor: Ridvan Bunjaku. Platforma: C#.
  
  
• Zgjidhësi për Sudoku është program që i zgjidh Sudoku-t e të gjitha vështirësive të mundshme (edhe Sudoku-n e zbrazët bile!). Kodi është i hapur dhe në disa versione: Java (JGrasp, NetBeans), C# dhe VB.NET. Zgjidhja e përdor rekursionin për t'i provuar opsionet e mundshme në sudoku-t më të vështirë.
  
  
• "Harmonizuesi" është program në Java (punuar me NetBeans) që e harmonizon një vijë muzikore. Programit i jepen notat e melodisë, tonaliteti dhe takti, dhe programi i gjeneron akordet për atë melodi. Versioni aktual e ka të integruar luajtjen në instrumente MIDI të punuar nga Isah Bllaca. Kjo mund të shihet edhe si hyrje në programimin e sintesajzerit.
  
  
• "Shahu" është një program kompleks në C# që i eksploaton konceptet kyçe të programimit të orientuar kah objektet dhe një ide të thjeshtë por origjinale të algoritmit të kompjuterit për të luajtur shah. Kodi i përmban 4,398 rreshta të shkruar.
  Pos kodit, bashkangjitur është edhe libri im origjinal ku shpjegohet OOP përmes shembullit praktik të shahut. Ky është libri i parë i këtij lloji shqip dhe ndër projektet më të mëdha shqip me kod të hapur.
  
  
• "Rrokjet shqip" është zgjidhje Visual Studio 2005 në VB.NET. Ajo i përmban metodat për ndarjen e tekstit shqip në rrokje. Ky mund të jetë nismë e një Narratori shqip (program që lexon tekst), që do të ishte i dobishëm për personat e verbër dhe ata me shikim të dobësuar.
  
  
• "Llogaria mujore" është një program praktik në VB.NET që i ndihmon përdoruesit për t'i planifikuar harxhimet personale apo familjare.
  
  
• "Labirinti" është zgjidhje në Java e një sfide të publikuar në web-faqen e Grupit Teknologjik të Prishtinës, pr-tech.net. Për detale, shko në pr-tech.net.

|:( |:)