Shoqata Kosovare e Studentëve të Stomatologjisë (KADS), është themeluar në pajtim me Rregulloren numër 1999/22 të Administratës së Përkohshme të Misionit të Kombeve të Bashkuara në Kosovë.
    Është shoqatë jo-profitabile e cila është e themeluar me qëllim të organizimit, bashkimit, afirmimit të studentëve të drejtimit të Stomatologjisë dhe bashkëpunimit reciprok në mes të studentëve dhe organeve të larta arsimore edukativo-shkencore.
    KADS do të jetë qendër përmes të cilës studentët do të japin propozimet dhe vërejtjet për organizimin dhe funksionimin sa më të mirë të jetës studentore.
    Anëtarësimi në organizatë është i hapur për çdo person pa marrë parasysh racën,
gjininë, orientimin seksual, shtetësinë, kombësinë, religjionin,
moshën ose aftësitë fizike.