Shanglawt (Kachin Independence Army)

Kachin Independence Army (KIA)/Kachin Independence Organization (KIO) hpe 1961 ning Ra ta 5 ya  hta Lahtaw Zau Seng kanau Zau Tu, Zau Dan hte Jinghpaw Wunpawng ramma ni woi awn let Sam mung hta hpaw hpang sai. Dukaba Zau Seng, Zau Tu hte Pung Shwe Zau Seng ni gaw Thai hte Myen mung ga jarik hta 1975 ning hta gyam sat ai hkrum sai.

Dukaba Maran Brang Seng ningbaw kaba amu hte Slg. Zawng Hkra gaw amu madu magam ni hpe hkap la galaw wa sai. 1994 ning Ra ta 24 ya hta KIO hte Myen Asuya hku nna gap hkat jahkring sai.

1994 ning Gumshi ta 8 ya shani Dukaba Maran Brang Seng n'nga mat sai. Dai hpang Dukaba Malizup Zau Mai ningbaw kaba tai wa sai. 2001 ning Ra ta hta KIO daju ai Lai Sin hta daru magam kashun ai lam byin sai.

Dai hpang Dukaba Lamung Tu Jai ningbaw kaba magam hpe hkap la galaw wa sai. 2006 ning Sangan ta 15 ya hta Dukaba Lamung Tu Jai hpe Karai Kasang we la kau sai. Ya gaw KIA/KIO hpe ningbaw kaba hku nna Lanyaw Zawng Hkra woi awn nga ai.

Ra ta 5 ya

Sumrai Laika

• KIO Ningbaw Kaba Maran Brang Seng - Noko
• Laiza Muklum a labau kadun - Maling Hkra U (Laiza Muklum)
• Nang hpam lu sha pat jasan Madun Gawk - Buhkawm Brang

Sumla

Jinghpaw Wunpawng shanglawt hpung kaga ni

1) Kachin Defense Army (KDA)

• 1990 ning hta Mahtu Naw hpaw hpang ai.
• Myen Asuya hte 2004 ning hta gap hkat jahkring sai.
• KDA daju shara hpe Shan State Special Region 5 ngu ai.

2) New Democratic Army-Kachin (NDA-K)

• Zahkung Tingying hte Layawk Zelum hpaw hpang ai.
• Myen Asuya hte 1989 ning hta gap hkat jahkring sai.
• NDA-K daju shara hpe Kachin State Special Region 1 ngu ai.
• Moi na CPB 101 daju ai Pang Wa mare hta daju ai.

3) Kachin State National Congress for Democracy (KNCD)

• Ubyit Tu hte Jinghpaw Wunpawng mung masa salang n'kau mi Myitkyina kaw hpaw hpang ai.

4) Kachin People's Party (KPP)

• 2002 ning Shala ta 17 ya hta Thai mungdan hta hpaw de ai.
• KPP ningbaw gaw Gumgrawng Aung Wa re.

5) Kachin National Organization (KNO)

• 1999 ning Hkru ta 9 ya shani hpaw hpang ai.
•  KNO ningbaw gaw Hawwa Ja La re.

6) All Kachin Student and Youth Union (AKSYU)

• 1996 ning Gumshi ta 5 ya hta sumtsan nga Jinghpaw Wunpawng jawngma ni Gala mung/India hta hpaw hpang ai.
• AKSYU rung hpe 1998 ning hta Thai mung hta hpaw sai.
• 2002 ning hta Europe hte Miwa mung hta hpaw sai.

Magrau Grang ai Jinghpaw Wunpawng Myutsaw ni

• Lahpai Naw Seng
• Lahtaw Zau Seng
• Pungshwi Zau Seng
• Maran Brang Seng
• Mali Zup Zau Mai
• Lamung Tu Jai
• Lanyaw Zawng Hra
• Zahkung Ting Ying
• Gauri Zau Seng

47 ning rawt malan n'htoi 'www.kachinnews.com'