Nota biogràfica de Para Luca

Nàsciu in su 1984 me in Serbariu (Crabónia - CI - Sardigna) at istudiau me in su "Liceo Artistico Remo Branca" (Bidh'e Crésia). 
Discépulu de artistas ke Antonio Mallus, Emilio Cafiero, Federico Barale e Giampaolo Castiglione, s'est comiadu cun su màssimu puntégiu e sighit a movi sa sua ativitadi artística, innanti isvilupendi sa deformatzioni de sa figura umana po torrai s'istintu de s'ómini (disinnu inghitzau cun s'artista Fabio Sanna), cun d-unu istili de pintura pràsticu mera, s'imperu de tonus e coloris iscuriosus e de ténnicas ammisturadas, mera bortas cun apodhu de materiali me in sa tàula de linna.  Pustis aribbat a un'istili bidimensionali e simbólicu cun s'imperu de materialis pòbirus, arreciclaus, de iscartu. 
In su 2003 brintat in s'Órdini de is Paras Minoris Capucinus (parixedhus de Santu fra Nàtziu) aundi bivit e trabballat, no isceti artistigamenti. Sighit in manera fitiana e ativa a imperai creativitadi e intelletu cun s'iscopu de inventai linguàgius nous po torrai sa comunicatzioni sempri prus stikenti. Risultau de custu trabballu, a bortas sufertu, est "PIO". 
In su 2006, trabballendi cun Fabio Sanna, fundat sa "Ghenga Idiotas". Sempri in su 2007, impari a su "Collettivo Artistico W LA GENTE" fundau cun atrus artistas, teorizat, de un'idea essia de sa conca de is "Maghi Scalzi" cun Attilio Cannibali, su "1^u Contest d'Arte Web PETO D'ARTISTA".  Apustis atrus artistas si funt aciuntus a sa cambarara, comenti, po donai esémpiu, su maistu 'e biseras Massimilianu Vacca, su pintori Andrea Lai e su maistu de perda Francesco Mestria. 
ParaLuca at viagiau in Italia, Córsica e Sardigna kentz'e si frimmai. Immoi bivit me in Castedhu aundi istúdiat Teologia in sa facultadi de sa Societas Jesus, "Pontificia Facoltà Teologica della Sardegna".