Francesco Maurelli (fran.mau@gmail.com) fintradukis al Esperanto
la ŝablonon de kontrakto de profesia jura firmao. 
Ligo al dosieroj estas sube. Komentoj de provlegantoj estas bonvenaj.

Li planas aldoni klaŭzon ke, kaze de nesameco inter la esperanta
kaj la angla versioj, la angla estu tiu valida.

La unuaj komentoj ne estis tre kuraĝigaj: oni diris ke temas pri
tro ampleksa kontrakto, kiu bonas por profesiuloj, sed ke por 
E-asocioj, estus tre malfacile, pro lingvaĵo, longeco, ktp. 
S-ro Maurelli ja konsentas ke kelkaj klaŭzoj estas ioma troigo 
en rilato kun ekzemple malgranda organizo, sed li ŝatus havi sekuran 
("bullet-proof" en  la angla) kontrakton, kiun li laueble ĉiam uzu...

La kunsidon prezidis s-ro Wang Tianyi, prezidanto de la Klubo de Ĉinaj E-Komercistoj, kaj ĉeestis pli ol 30 kongresanoj el diversaj lokoj de la landoj, inkl. de la provincoj Anhui, Fujian, Hunan, Shaanxi, Shandong, Zhejiang kaj la Aŭtonoma Regiono de Interna Mongolio. Ili estas ŝtatoficistoj, entreprenistoj kaj komercistoj, ne nur entreprenas komercadon kaj turismadon, sed ankaŭ funkcias kiel gvidantoj de E-organizoj kaj viglaj esperantistoj en nia movado.

En la kunsido la ĉeestantoj interŝanĝis informojn pri lokaj E-agadoj en la kampoj de komerco kaj turismo kaj pri la produktoj, kiujn ili entreprenas. La ĉeestantoj diskutis ne nur pri disvastigo de Esperanto, sed ankaŭ pri kunligo de E-edukado kun E-komercado kaj E-turismado, por ke E-lernantoj povu praktigi kaj uzi la lingvon, kaj precipe labori per Esperanto.

La ĉeestantoj unuanime opinias, ke nia kara lingvo Esperanto kun aparta ĉarmo estas vivipova kaj praktikebla en diversaj kampoj de Ĉinio. Oni devas daŭre klopodi por disvastigi kaj uzi Esperanton en komercado kaj turismado. Por ĉinaj E-komercistoj la tasko estas peza kaj la vojo -- longa, precipe en la nuna situacio, ke Ĉinio prenas disvolvon de ekonomio kiel gravan taskon.

La ĉeestantoj komprenas, ke Ĉinio ludas pli kaj pli gravan rolon en la internacia komunumo sekve de altiĝo de la pozicio de Ĉinio en la mondo. Kaj la ĉina E-movado vizaĝas al diversaj defioj kaj ankaŭ havas bonajn ŝancojn. Ĉu oni povas fari realajn kontribuojn per Esperanto al la ekonomia disvolvo de Ĉinio, en importo kaj eksporto, ktp, tio ja fariĝis unu el la seriozaj ekzamenoj por ĉinaj esperantistoj.

Menciindas, ke en la kunsido estis prezentita la libro "Komerca konversacio en Esperanto" kompilita de Zhang Tiezheng kaj eldonita dank' al helpo kaj subteno de Wang Tianyi. La libro servas kaj helpas al E-komercistoj en faka lernado de la lingvo.

Kaj samideano Deng Xiaozhong el la provinco Fujian en sudorienta Ĉinio, informis, ke baldaŭ naskiĝos la vino kun la nomo en Esperanto "Saluton", kiun entreprenos la de li funkciigata kompanio. Je tio, la ĉeestantoj ekkantis la Esperantan kanton "Saluton" kun gajeco.

En la kunsido ĉiam regis ĝoja kaj harmonia etoso.

Ĉifoja Jarkunveno ne estas pompa kompare kun la pasinta okaze en la urbo Huangshi, sudcentre de Ĉinio, sed ĝi estas pli okulfrapa kun komerca atmosfero, ekzemple, krom LKK salutaj paroloj okazis nur nome de la kompanio kaj entrepreno.Kaj ne malmultaj reklamoj aperis en la kunvenejo, eĉ sur la podio. Tio estas nova stilo direktanta al la venonta Jarkunveno, kaj faris nian Jarkunvenon pli faka kaj profesia pli for de la tradicia kunveno de Esperanto. Okaze ankaŭ mankas lokaj aŭtoritatoj, kiuj ŝatas paroli mandarenon malkongrue kun nia Jarkunveno de E-komercistoj, sed nia komunikado estas pli harmonia kaj kuraĝigita. Tia aranĝo plaĉas al ĉiuj partoprenantoj, ankaŭ argumentas, ke la fakkunveno de esperantistoj ankaŭ povas aspekti kiel normala fakkunveno. 

Okaze, la jar-raporton prelegis sro Chielismo WANG Tianyi, ĉina peranto kaj estrano de IKEF kaj prezidanto de Klubo de Ĉinaj E-komercistoj. Laŭ lia raporto ĉinaj E-komercistoj gajnis novajn sukcesojn kaj progresojn en la pasinta tempo, ekz., Xi'an Da Vinci Importa -Eksporta Ko., Lta kunlaboras  kun Brazila Da Vinci Ltda, kaj eksportas averaĝe 20 kontenerojn po monato. La granda negoco okazas komunike per Esperanto. Ankaŭ Xiamen Chine Ko., Lta regule importas italajn vinojn pere de Esperanto, eĉ importas specialan markon SALUTON, kiu oferis al la Jarkunveno okaze ĉe la tablomanĝo de ĉiuj kunvenanoj. Ja, la vino SALUTON allogis ĉiujn gustumintojn. Kelkaj el ĉinaj E-komercistoj jam decidis disvendi la vinon SALUTON. Ankau kelkaj entreprenoj deziras havi E-stilan markon lerni de Xiamen Chine Ko. Lta.

Fakte, internacia komerco per Esperanto okazis de Zamenhofa epoko. Prelege ĉe la kunveno Dir. Jose Franquesa rakontis sian komercon pere de Esperanto antaŭ ol 46 jaroj(1965), kiam li importis de japana E-komercisto. Kaj nun li importas hidraŭlikan tubon jam 7 jarojn pere de ĉina E-komercisto Chielismo WANG Tianyi. Okaze sro ZHANG Tiezheng rakontis pri sia sperto per Esperanto servi al Suzhou Lotusa Matracejo, kie li respondecas internacian merkaton. Ankaŭ irana komercisto Saed Abbasi rakontis malfacilan komercumon kun Irano nuntempe pro ekonomia sieĝo de Usono. Malgraŭ tio li ankaŭ atendas kunlaboron kun diversaj E-komercistoj. sro Aldreno Speck venis de Brazila Da Vinci Ltda, kaj jam laboras apenaŭ 2 jarojn per Esperanto ĉe sno Chielismo. Antaŭ ol du jaroj li ne povis imagi hodiaŭan fakton, ke li vivas kaj laboras Esperante en Ĉinio.

La jarkunveno estas fruktdona. Ĉiuj partoprenantoj sopiras al la venonta jarkunveno. Ĉe la fermo sno Chielismo prezidanto de KĈEK deklaris, ke IKEF-China 2012 - La 6a Jarkunveno de Ĉinaj E-komercistoj okazos en la urbo Changsha(ĉanŝa), ĉefurbo de Hunan-Provinco, sudcentre de Ĉinio. Varman bonvenon deziras sro LI Zong, Dir. de Hunan Internacia Transporta Kompanio XB, prezidanto de Changsha Esperanto-Asocio. Li informis, ke por la venonta jarkunveno Esperanton lernas 200 gestudentoj de Changsha Profesia Komerca-Turisma Altlernejo. Li promesas al ĉiuj partoprenantoj pli fruktdonan jarkunvenon ĉe Changsha. Ĝis la IKEF-China 2012 - La 6a Jarkunveno de Ĉinaj E-komercistoj.

• S-ino Kamelia Gao (KN 862) prezentis ĉinajn brodaĵon. Ligo al ŝia prezentado troviĝas sube de ĉi tiu paĝo.
• S-ro Alfred Schubert (KN 864), peranto de komercaj kontaktoj, anoncis la prelegon pri 'Klubo Elito' (www.elito.at) de vendredo, la 29a de julio.
• S-ro Br. Casini (KN 1415) prezentis la projekton 'KOSMO' (komisiono por serĉado de mono); detalaj informoj pri ĝi estas je www.kosmo.eu.com.

• S-ro Josep Franquesa Solé (KN 133, Hispanio-Katalunio) jam en 1960, post la UK en Bruselo, unuafoje komercis per Esperanto. Li trovis partneron pere de la Japana Esperanto-Asocio. Li importas varojn el Ĉinio ekde la pekina UK, dum kiu li ligis kontaktojn kun s-ro Wang. Por ambaŭ la stimulo por komerci per Esperanto estas la fakto ke ili ne parolas la anglan kaj ke nur Esperanto estas komuna lingvo.
  
• S-ro Miguel Faria de Bastos (KN 1104, portugala juristo kiu dum plej granda parto de la jaro rezidas en Angolo) iam okupiĝis pri propono de eksporto de ercoj al Ĉinio, kiu finfine estis senrezulta. En Angolo aktivas multaj grandegaj ĉinaj kompanioj. Unuflanke ili ekspluatas kaj eksportas mineralojn kaj petrolon, aliflanke ili aktivas en konstruado. Tiu lasta aktiveco ofte liveras nekontentigajn rezultojn, ĉar ili ne sufiĉe bone konas la lokan situacion. Cetere, ankaŭ sudafrikaj firmaoj kiuj aktivas en Angolo spertas la saman problemon. Malgrandaj ĉinaj kompanioj ne estas reprezentataj en Angolo. Angolanoj ne havas kapitalon por starti eksterlandan komercon.
  
• S-ro Alfred Kobina Arthur (KN 1275, Ganao, ĉefe komercanta kun Barato) komercas esperante kun Koreio. Li konstatis tute alian pensmanieron ĉe la partnero. Nun li regule importas elektronikaĵojn kaj eksportas lignajn artaĵojn. Li bedaŭras ke la IKEF-anoj apenaŭ konas unu la alian.
  
• S-ro Cwik (KN 1288, Belgio, pensiita oficisto de la Eŭropa Komisiono) al tiu lasta rimarko aldonis ke la nuna membroadministrado malmulte utilas. Unuflanke ĝi estas ne sufiĉe uzata de la membroj, aliflanke ĝi estas tro fermita kaj la informoj kiuj enestas ne videblas por eksteruloj.