Fogn IL har det siste halve året arrangert fellesturar den siste søndagen i månaden. Den siste turen før sommaren, gjekk til Skinnvigå, på sørsida av Fogn. Ein god gjeng møtte opp, og når det i tillegg var mange frå Strandalandet som hadde tatt turen med båt, vart det skikkeleg sommarferiestemning ved sjøkanten. 

Me er inne i ein fantastisk periode, reint værmessig. Sola skin frå klår himmel, og gradestokken bikkar 25 grader rett som det er. Framover ser det og godt ut, sjølv om temperaturen vil synka litt i neste veke. No til helga er det Pinse, noko som betyr langhelg for mange av oss. I tillegg til grilling og kos ute i sola, kan dei som er på Fogn få med seg desse arrangementa:

Fredag 25. mai kl. 18.00 (merk tida) - Fotballkamp
Fogn A-lag møter MIL 2, som har fått ein like dårleg sesongstart som heimelaget. Kan Fogn få sine første poeng i denne kampen?

Laurdag 26. mai kl. 10-14 - Loddsal
Finnøy Husflidslag har loddsal ved butikken

Laurdag 26. mai kl. 15.30 - Zumbatrening
Idrettslaget arrangerer zumba i gymsalen. Det koster 20 kr.

Søndag 27. mai kl. 11.00 - Misjonsmøte
Fogn misjonslag (NLM) arrangerer møte på bedehuset. Hans Kristoffer Goa talar, og det vert teke opp kollekt.

Søndag 27. mai kl. 14.00 - Felles søndagstur til Skinnvika
Oppmøte ved Mari-Anne og Jon Olav Runestad. Mulighet for grilling. Ta med spann og spade til sandslottkonkurransen:)

Søndag 27. mai kl. 18.30 - Gudsteneste i Fogn kyrkje
Ved prest Rune Andreassen. Song av Fognakoret. Nattverd. Offer til Ben-Haim i Israel.

Velkommen og god pinse i hytte og hus!

Fogn søndagsskule har dette året samla inn penger til fattige born i Romania, som ikkje eingong har luer på hovudet når det er kaldt om vinteren. I tillegg til å samla inn pengar, har dei samla inn luer, så neste vinter blir det 12 par ører som fryser mindre i øst. Søndagsskulen vil takka dei som kom med luer!

Fogn - Pol: 0-5 (0-2). Det gjekk ikkje som heimepublikum ønska, då serieleiar Pol gjesta Fogn 18. mai. Pol vart eit par nummer for store for dei blåkledde, og vann heilt fortent. 

Sjølv om både regn, vind og temperatur vart som vèrmeldarane hadde spådd, så sette ikkje dette nokon dempar på festdagen på Fogn!

Stemningen i folketoget var god, det var ei flott samling i kyrkja, og maten smakte like godt, sjølv om den vart spist inne i gymsalen dette året. Leikene for born og vaksne vart delvis flytta inn i eit stort partytelt, og "straffekonken" vart i bingen framfor på den blaute grasbanen. Om kvelden vart det som vanleg ein heidundrande fest med god mat, tale av Gjesdal-ordførar Olaug Bollestad, og mykje god underhaldning. Ekstra stor applaus fekk dei to lokale talenta Hans Hagenes Bøe og Madelaine Gordon Graadahl stilte opp med kvart sitt innslag. Hans spela gitar og song to songar, medan Madelaine hadde fått med seg ei dyktig dansegruppe til sitt dans/songinnslag.

Bilete frå dagen kan du sjå under. Video frå kvelden vert lagt ut seinare.
(Bileta er knipsa av Manna Wajanathawornchai, Else Jorunn Løland Vold og Håvard Østhus)

Sjølv om veret ikkje er det beste for tida, så går det heilt klart mot sommer, bading og sjøliv. For å setje fokus på tryggleik i og ved sjøen, har Grieg Seafood avd. Sjernarøy gjort det til ein tradisjon å dela ut flytevestar til alle 4. klassingane i kommunen kvar vår. Og onsdag 16. mai kom Lars Martin Hetland frå Grieg Seafood til Fogn og fortalte om kor viktig det er å bruka rednings/flytevest når ein ferdast ved/på sjøen. Til slutt kalla han fram 4. klassingane, og delte ut ein flytevest til kvar, noko dei såg ut til å setje stor pris på!

Nasjonaldagen er rett rundt hjørnet, og det er mykje som skal gjerast klart. Nokre av dei som har mest å gjere i desse dagar, er gjengen som sit i 17. maikomiteen på Fogn. Me har tatt ein prat med leiaren i komiteen, Aud Aano, for å høyre korleis arbeidet går! Sjå videoen under!

Madla 2 - Fogn: 5-0 (0-0). Fogn klarte seg svært godt i første omgang, men då det plutseleg vart 9 mot 11, var det over og ut for dei mørkeblå...

Vi vil med denne nyhetssaken prøve å karlegge ønske/behov ved et eventuelt trimsenter på Fogn. Vi kunne tenke oss følgende forslag:

Fogn IL - Hinna 2: 1-4 (0-3). Etter nok eit tap, står Fogn no att med ein heller laber sesongstart. Mot Hinna 2 var det største lyspunktet at Johannes Hovda (biletet) gav melding om at han vil spele for dei mørkeblå framover. Diverre klarte verken Johannes eller andre å hindra eit nytt tap.