Kæru foreldrar og forráðamenn

Sunnulækjarskóli hefur ákveðið að taka þátt í hvatningarleik grunnskóla sem heitur Lífshlaupið og er hugmyndafræðin sú sama og í keppninni "Hjólað í vinnuna" sem mörg ykkar kannast við.

60 mínútur á dag

Markmið verkefnisins er að fá sem flesta nemendur skólans til að hreyfa sig í 60 mínútur daglega á meðan átakið stendur yfir. Allir nemendur fá skráningarbók þar sem þau krossa við dagana sem þeim tekst að hreyfa sig í 60 mínútur. Í lok átaksins munum við kalla eftir bókunum og skrá hreyfingarnar rafrænt.

Við keppum við aðrar skóla landsins um hver nær að skrá flesta daga en við munum einnig keppa á milli árganga innan skólans og er hér um mjög spennandi keppni að ræða þar sem yngri árgangarnir eiga ekki síður möguleika á að vinna en þeir eldri.

Leikurinn er byggður upp þannig að framlag hvers og eins hjálpar til, hversu lítið sem það er. Fjöldi daga/ krossa sem við getum safnað og skráð er deilt með heildarfjölda nemenda í skólanum. Þess vegna munar um hvert spjald sem við fáum til baka þó svo að bara einn kross sé á spjaldinu. Allt er betra en ekkert!