|
Skólaárið 2011-2012
8. nóvember 2011
4. bekkur: Furðufatadiskó og spilastund
 Furðufatadiskó og spilastund 8. nóvember í Sunnulækjarskóla. Krakkarnir klæða sig furðulega upp ef vill og mega bæði hafa með sér nammipoka (hámark að andvirði 200 kr.) og safa eða drykk. Þau geta bæði dansað sér til skemmtunar og/eða spilað saman með gömlu góðu spilunum. Þeir hönnunnarglöðu geta þegar hafið hugmyndavinnuna en þeir sem vilja endurnýta skemmtilegu fötin sem kannski eru heima hjá afa og ömmu, eða bara í klæðaskáp pabba og mömmu, geta líka hafið "stíleringseringar." Þessi viðburður er hugsaður án systkina en foreldrar eru hvattir til þátttöku. 26.október 2011
3. bekkur: Sundferð
Miðvikudaginn 26. október ætlum við, nemendur og foreldrar í 3. bekk að hittast í Sundhöll Selfoss
kl. 17.30 - 19.30 og skemmta okkur saman.
Bestu kveðjur, tenglar í 3. bekk 19. október 2011
 2. bekkur: SundferðMiðvikudaginn 19. október ætlum við, nemendur og foreldrar í 2. bekk að hittast í Sundhöll Selfoss
kl. 17.00 - 19.00 og skemmta okkur saman.
Bestu kveðjur, tenglar í 2. bekk
 17. október 2011
3. bekkur: Kaffispjall
Kæru foreldrar/forráðamenn.
Okkur tenglunum í 3.bekk Sunnulækjarskóla langar að bjóða ykkur á smá fund á Kaffi Krús mánudaginn 17. október kl: 20:00. Hugmynd fundarins er að foreldrar geti kynnst frekar og komið á framfæri skoðunum og hugmyndum varðandi ýmis mál eins og bekkjaskemmtanir, afmæli og fleira. Vonumst til að sem flestir mæti.
Við hlökkum til að sjá ykkur. Kveðja tenglar úr 3. bekk. 13. október 2011
4. bekkur: Sundferð
Fimmtudaginn 13. október kl. 17- 19 er planið að skella okkur í sund í Sundhöll Selfoss! Við viljum sjá alla krakka og sem flesta foreldra, forráðamenn eða systkini í fylgd þeirra. Athugið að reglur segja til um að börn yngri en 10 ára mega ekki fara ein í sund. Hins vegar mega 15 ára og eldri vera með tvö börn yngri en 10 ára. Ætlum að hafa það skemmtilegt saman. Kveðja, bekkjartenglar 4. bekkjar10. október 2011
2. bekkur: Kaffispjall
 Okkur tenglunum í 2.bekk Sunnulækjarskóla langar að bjóða ykkur á smá fund á Kaffi Krús mánudaginn 10. október kl: 20:00. Hugmynd fundarins er að foreldrar geti kynnst frekar og komið á framfæri skoðunum og hugmyndum varðandi ýmis mál eins og bekkjaskemmtanir, afmæli og fleira. Vonumst til að sem flestir mæti. Við hlökkum til að sjá ykkur. Kveðja tenglar úr 2. bekk. 20. september 2011
Fundur með tenglum  Kæru tenglar
Stjórn Foreldrafélags Sunnulækjarskóla boðar til fundar með öllum tenglum í Sunnulækjarskóla þriðjudaginn 20. september kl. 17. Markmið fundarins er að segja stuttlega frá tenglastarfinu og aðstoða nýja tengla við að koma foreldrastarfinu af stað. Þarna skapast gott tækifæri til að hitta tengla sem komnir eru með reynslu og jafnvel ræða önnur mál sem þið viljið koma á framfæri við stjórn Foreldrafélagsins. Eftir stuttan fund með stjórn foreldrafélags gefst tenglum í hverjum árgangi tækifæri til að hittast og stilla saman strengi sína. Kær kveðja, stjórn Foreldrafélags Sunnulækjarskóla. Skólaárið 2010-2011
17. maí 2011
Aðalfundur
Aðalfundur Foreldrafélags Sunnulækjarskóli verður haldinn þriðjudaginn 17.maí 2011 kl. 20:00 í Fjallasal Dagskrá:
 2. Gjaldkeri gerir grein fyrir reikningum og leggur fram til samþykktar 3. Lagabreytingar 4. Kosning í stjórn Foreldrafélags Sunnulækjarskóla 5. Kosning varamenn í skólaráð 6. Aðalfundur ákveður upphæð árgjalds fyrir skólaárið 2011-2012 7. Önnur mál Vonum til að sjá sem flestir. Kveðja stjórnin 6. maí 2011
 1.bekkur: Fjöruferð
Kæru foreldrar / forráðamenn 1. bekkinga í Árborg
Föstudaginn 6. maí ætlum við í fjöruferð á Stokkseyri með börnunum. Við stefnum á því að leika okkur saman frá kl. 16 -18. Munið að vera klædd eftir veðri og taka með nesti. Ekki má gleyma skóflu og fötu. Vonumst til að sjá sem flesta og skemmtum okkur vel saman. Með kveðju, bekkjartenglar 1. bekkinga í Árborg 25. mars 2011
6. bekkur: Heimsókn 6. bekkjar til BES
 Kæru nemendur í 6. bekk Sunnulækjarskóla og foreldrar
Nemendur í 6. bekk Barnaskólans á Eyrarbakka og Stokkseyri (BES) bjóða nemendum í 6. bekk í Sunnulækjarskóla- og Vallaskóla í heimsókn föstudaginn 25. mars klukkan 17-19 á Stað, Eyrarbakka. 6. bekkur BES skipuleggur heimsóknina í samvinnu við tengla og sjá þau um dagskrá. Farið verður í leiki og fleira skemmtilegt gert. Vonum að sem flestir sjái sér fært að mæta og eiga skemmtilega stund með jafnöldrum sínum í Árborg. Við munum hafa samband þegar nær dregur til að skipuleggja ferðir. Kær kveðja Tenglar 6. bekkjar. 1. mars 2011
1. bekkur: Kaffispjall
Kveðja, bekkjartenglar í 1. bekk 24. febrúar 2011
Sunnulækjarskóli í 1. sæti í Lífshlaupinu.
Til hamingju!!!
 22. febrúar 2011
3. bekkur: Sundferð
Við viljum sjá alla krakka & sem flesta foreldra, forráðamenn eða systkini í fylgd þeirra. Athugið að reglur segja til um að börn yngri en 10 ára mega ekki fara ein í sund. Hins vegar mega 15 ára og eldri vera með tvö börn yngri en 10 ára. Ætlum að hafa það skemmtilegt saman og ljúka Lífshlaupinu með stæl !! Kveðja, bekkjartenglar 3. bekkjar 2. feb 2011
 Sunnulækjarskóli tekur þátt í hvatningarleik grunnskóla sem heitir Lífshlaupið.
sjá nánar hér
27. jan 2011
4. bekkur: Vasaljósaferð
 Þó að það sé nú alveg að detta í kvöldmat (og kannski rúmlega það..) þá gerum við stutt nestis-stopp. Þannig að allir sem vilja taka með sér létt nesti. Kveðja, bekkjartenglar í 4.bekk Sunnulækjarskóla 26. jan 2011
3. bekkur: Kaffispjall
 Kæru foreldrar/forráðamenn.
Okkur tenglunum í 3.bekk Sunnulækjaskóla langar að bjóða ykkur á smá fund á Kaffi Krús miðvikudaginn 26. janúar kl: 20:30. Hugmynd fundarins er að foreldrar geti kynnst frekar og geti komið á framfæri skoðunum og hugmyndum varðandi ýmis mál eins og bekkjaskemmtanir og önnur mál hvað varðar skólann í vetur. Vonumst til að sem flestir mæti. Við hlökkum til að sjá ykkur. Kveðja tenglar úr 3 Bekk. 18. jan 2011
5. bekkur: Spilakvöld
 Þriðjudaginn 18.janúar 2011 verður spilakvöld (félagsvist)
hjá 5.bekk frá kl.18:30-20:30, nánar auglýst síðar.
16. des 2010
1. bekkur: Vasaljósaferð
Kæru foreldrar / forráðamenn
Við tenglar í 1.bekk ætlum að hóa saman börnum 1.bekkjar ásamt foreldrum/fylgdarmönnum í vasaljósaferð í Gesthúsaskóg næstkomandi fimmtudag 16.desember. Er stefnan sett á að hittast fyrir framan aðalinngang Sunnulækjarskóla klukkan 17:00 og ganga þaðan inní skóg.
Allir mæti með vasaljós og smá nesti í poka, t.d. piparkökur og kakó.
Hlökkum til að sjá ykkur sem flest á fimmtudaginn.
Bestu kveðjur, tenglar 1.bekkjar 29. nóv 2010
2. bekkur: Vasaljósaskógarferð
Mánudaginn 29. nóvember n.k. ætlum við í skógarferð í Þrastaskóg með börnunum. Foreldrar fylgi börnum sínum og systkini eru velkomin með. Við stefnum að því að hittast á bílaplaninu við Þrastalund kl. 17:30. Þá förum við í stutta gönguferð um skóginn og inná flötina (tjaldstæðið) þar sem við borðum nesti.
Munið að vera klædd eftir veðri og taka með nesti t.d. heitt kakó og piparkökur og ekki má gleyma vasaljósi til að lýsa í myrkrinu. Stefnum að heimferð ca. kl. 19.
Vonumst til að sjá sem flesta og að við skemmtum okkur vel saman.
Með kveðju, bekkjartenglar í 2. bekk 28. nóv 2010
8. bekkur: Pizza og bíóferð
 Fimmtudaginn 25. nóvember ætlum við að hittast á Hróa Hetti og fá okkur pizza og fara svo í bíó að sjá “Harry Potter og dauðadjásnin: hluti I”.
Við hittumst á Hróa Hetti kl. 17:30 og bíóið hefst svo kl. 20:00. Pizzahlaðborðið kostar 890,- og bíóið kostar 1350,- og og innifalið í bíóverðið er miðstærð af popp og kók. Hlökkum til að sjá ykkur!
Kv Tenglar í 8.AVS og 8. ÞMB
23. nóv 2010
 Ákveðið hefur verið að haldið verði bekkjarkvöld í Sunnulækjarskóla þriðjudaginn 23.nóv n.k. frá kl 17:30 til 20:00. Í ár ætlum við að hafa náttfatapartý, spila Bingó, fara í leiki og fyrst og fremst hafa gaman saman.
Boðið verður uppá að kaupa pizzu sneiðar á skemmtuninni. Foreldrar eru beðnir að skrá þátttöku á þar til gerðum lista sem mun liggja fyrir á komandi foreldrafundi. Nemendur þurfa að taka með sér drykkjarföng en boðið verður uppá popp.
Ps. Tenglar taka að sér að skipuleggja þá viðburði sem eiga að vera á hverju skólaári en okkur þætti vænt um að ef þið hafið einhver tök á að aðstoða okkur um kvöldið t.d við að afgreiða matinn, poppa, ganga frá eða annað að láta okkur vita. Þetta eru börn okkar allra og því þurfa allir að leggjast á eitt til að gera þessar skemmtanir sem eftirminnilegastar.
Kveðja tenglar í 3. Bekk.
19. nóv
6. Bekkur: Bekkjarkvöld
Kæru bekkjarfélagar núna er komið að fyrsta bekkjarkvöldi vetrarins.
Við ætlum að hittast í Sunnulækjarskóla föstudaginn 19. nóvember kl. 17:30-19:00. Allir koma í náttfötum og með vasaljós ef þeir eiga. Við ætlum að fara í feluleik á svæðinu ykkar og borða síðan saman pizzu. Allir koma með eitthvað að drekka með sér og 500 kr. fyrir pizzu. Við hvetjum foreldra til að koma með og skemmta sér með börnunum.
Hlökkum til að sjá sem flesta. Tenglar 6. GG og GGu 4. nóv 2010
1. bekkur: Sundferð
Hittumst hress og kát í sundi !
Fimmtudaginn 4. nóvember ætla krakkarnir í 1. bekk að hittast í sundi og skemmta sér saman. Áætlaður tími er milli 17 og 19 en það er enginn formleg mæting. Krakkarnir hittast bara ofan í lauginni og taka að sjálfsögðu foreldra eða einhvern forráðamann með sér. Vonandi komast sem flestir á þessum tíma.
Það eina sem þarf að greiða fyrir er sundgjald fyrir fullorðna fólkið. Kveðja frá tenglunum.
29. okt. 2010
9. bekkur: Skautaferð
 Það verður farið í rútu frá Sunnulækjarskóla kl. 16:00 föstudaginn 29.okt. í Egilshöll. Aðgangur að svellinu, leiga á skautum, og rúta 1600,-
Það er líka sjoppa á staðnum ef einhver vill versla sér nammi eða eitthvað. Heimferð er áætluð kl. 19:00 frá Egilshöll
Kveðja Tenglar
28. okt. 2010
Forvarnafundur
 Á fræðslufundinn koma fulltrúi lögregluna, fulltrúi forvarnahóps flott fyrirmynd og fulltrúi sveitarfélagsins.
Málefni fundarins verða m.a. fíkniefni og áfengisneysla, forvarnastarf, foreldrarölt
Kæru Foreldrar og forráðamenn og allir þeir sem hafa áhuga á að kynna sér þessi málefni.
Sýnum ábyrgð og fjölmennum. Fundurinn er öllum opinn því erindi fundarins varða alla í samfélaginu sem koma að uppeldi barna og unglinga.
Foreldrafélögin í Árborg
28. okt 2010 4. Bekkur Sunnulækjarskóla í sund!!Fimmtudaginn 28. Október, kl 17-19, ætlum við í 4. bekk í Sunnulækjarskóla að leggja sundlaug Selfoss undir okkur !!
Sjáumst öll í sundi !!!!
Kveðja frá tenglum í 4.bekk 26.okt. 2010
1. Bekkur: Foreldrafundur á Kaffi Krús
 Tenglar í 1.bekk sjá fundargerð hér
19.okt. 2010
Tenglafundur
Fundur með öllum tenglum í Sunnulækjarskóla þriðjudaginn 19. október kl. 17.
Markmið fundarins er að segja stuttlega frá tenglastarfinu og aðstoða nýja tengla við að koma foreldrastarfinu af stað. |
