Hieronder de link naar het jaarverslag 2011 van het Esperanto-Fonds Cesar Vanbiervliet.
Sube ligo al la jara raporto 2011 de la Esperanto-Fondaĵo Cesar Vanbiervliet (nur en nederlanda lingvo).

Enretiĝis la unuaj tri jarkolektoj (1908-1911, numeroj 1 ĝis
36) de Belga Esperantisto, la dua grava belga esperanta revuo (post
Belga Sonorilo, kiu 'idiĝis').

La enhavo pro pluraj kialoj estas interesa, ekzemple:

- enestas la listoj de pli ol 1700 partoprenantoj de la sepa UK (numeroj
25 ĝis 35);

- aperas en ĝi kelkaj fruaj literaturaj tradukoj al Esperanto, i.a.
'Majstro Huyghe', de la nun ankoraŭ ŝatata flandra verkistino Rosalie
Loveling (numeroj 5 ĝis 7);

- Maria Posenaer, malprave forgesita esperantistino-verkistino,
publikigis siajn unuajn vojaĝraportojn kaj poezion. (Cetere, nun okazas
en Borgerhout-Antwerpen ekspozicio de pentraĵoj de ŝia frato, Jozef
Posenaer.)

La revuoj elŝuteblas je www.mydrive.ch. Uzantonomo estas
'guest@rotsaert8000', pasvorto 'lemaire'.

La projekto Bitoteko (bitigita biblioteko de Hispana Esperanto-Federacio) estis prezentita la 1an de julio dum la Hispana Esperanto-Kongreso. Video je http://www.livestream.com/70ahispanakongresodeesperanto .

Kadre de la projekto www.bretaro.net, Marek Blahus je la 17a de februaro 2011 vizitis la Esperanto-Fondaĵon Cesar Vanbiervliet. Sube kelkaj fotoj.

Marek Blahus kun Roland Rotsaert antaŭ afiŝo el la kolekto de la Fondaĵo.


Hugo Rau kaj Pierre Debacker, du aliaj kunlaborantoj de la Fondaĵo kiuj ĉeestis.

Grandan kvanton da bildoj Bernhard Papst disponigas je http://www.ipernity.com/doc/bernardo/show/with/9269387 .

La Dokumenta Esperanto-Centro (DEC - josip.pleadin@gmail.com) ekde la 16-a de julio 2010 estas notita en la registro de civitanaj societoj de Respubliko Kroatio. Raporto pri ĝia ekfunkciado aperis en Zagreba Esperantisto, septembro 2010, p. 24-25. DEC havas retpaĝon je www.ipernity.com/doc/dokumenta.esperanto.centro.

Ĝojiga novaĵo: komence de majo 2010 la Hispana Esperanto-Muzeo en Sant Pau d' Ordal, Subirats (Alt Penedès, Barcelona) remalfermiĝis. Sube estas ligoj al kelkaj gazeteraj artikoloj en kataluna lingvo. Retpaĝo: http://museuesperanto.org/ ; kontaktilo: http://museuesperanto.org/contacta/ .