Sa mama 'e su sole
S'alenu l’intendo che fogu in laras assutas brujende sa mama 'e su sole ballende m'afferrat a forza in su zogu.
Baddios de grogu lugore allutos a sole in s’istiu mi torrant a tempos de briu andados cantende s’amore.
In pranu sas birdes friscuras da’ tempus si sunt allitzadas e umbras de fozas passadas sunt solu in ammentos chi furas.
Sas chigulas tot’in cuncordu issurdant sa paghe ’e s’aera ma apena la sigo s’andera si serant che post’in accordu.
Ortende sa chiza in s’isperu atesu che l’ido su monte m’intristat sa priga in sa fronte pro su chi passad’est abberu.
Colores de tempos mudados mi brincant andende in sas dies e pessas ne pranghes ne ries a passos chi sunt assentados.
Fatende ’e poete sa rima mi pass'onzi musa in rassigna ma cantu ses cara Sardigna si lebia si pesat sa frina.
Pitzinnos bos lasso cantende afficos isortos de frenu cun gosu e tempus selenu ladinu che abba currende.
Sa luna ’e s’Anglona galana respirat in chelu comente s'accordu pessosu 'e Pitzente furadu a sa note bardana.
Sa mama 'e su sole ballende m'afferrat a forza in su zogu s'alenu l’intendo che fogu in laras assutas brujende.
Istevene Flore
| La mamma del Sole
Il respiro lo sento di fuoco su labbra asciutte bruciando la mamma del sole ballando con forza mi porta nel gioco.
Vallate di giallo chiarore accese al sole d’estate mi riportano a tempi felici passati cantando l’amore.
Nel piano le verdi frescure si sono da tempo appassite e ombre di foglie passate sono solo nei ricordi rubati
Le cicale cantando nel coro assordano la pace del cielo ma appena proseguo il cammino si chetano come in accordo.
Di speranza volgo lo sguardo al monte che vedo lontano mi s’attrista la ruga che ho in fronte per ciò che passato è davvero
Colori di tempo mutati mi saltano andando nei giorni e tu pensi ne piangi ne ridi ai passi che ormai son fermati
Scrivendo da poeta le rime mi passo le muse in rassegna ma quanto sei cara Sardegna se s’alza la brezza leggera
Ragazzi vi lascio cantando speranze liberate dal freno con gioie e tempo sereno trasparente come acqua che corre.
La luna d’Anglona festosa respira nel cielo ed è come di Pitzente l’accordo pensoso rubato alla notte predona.
La mamma del sole ballando con forza mi porta nel gioco il respiro lo sento di fuoco su labbra asciutte bruciando
Stefano Flore |