pubblicato 12/feb/2010 11:20 da Benito Ciarlo
Lontanàntzia
di STEFANO FLORE
| Lontanàntzia
Sa lontanàntzia esistit
solu ca esistis tue
e si tue no bi fist
a mi la fagher penare
sa lontanàntzia tando
no fit istada prus
ne deo assentadu inoghe
chirchende ’e la prenare
cun sos versos de una cantone.
E si nois?
Si nois duos no fumis
navigadores collìdos
da’ una tempesta ’e amore.
A mi ischis narrer inue?
Inue nois duos che fimus?
Creo
nos fimus ispèrdidos
in d’unu desertu ‘e dies
unu chelu chena nues
o unu entu chena paràulas
accudidu a su pasu
chena preguntas ne dudas
Proite sa lontanàntzia
est che unu filu longu
tiradu in s’aisetu
dae sas ganas mias e tuas
amantiosas
in chirca
‘e s‘agatare a mesu.
Su restu sunt sas penas
chi no agatant assèbiu
in sos ammutinos longos
e in sas dies
prenas de soledade
mannas
cantu est mannu su mare
cando in sa brama ti chirco
e tue che ses atesu. |
La lontananza
La lontananza esiste
solo perché esisti tu
e se tu non ci fossi
a farmela patire
la lontananza allora
non ci sarebbe più
ed io non sarei qui
cercando di riempirla
con versi di poesia.
E se noi?
Se noi due non fossimo
navigatori sorpresi
da una tempesta d’amore.
Mi sai dire dove?
Dove noi due saremo?
Credo
saremo perduti
in un deserto di giorni
un cielo senza nuvole
o un vento senza parole
approdato alla quiete
senza domande ne dubbi.
Perché la lontananza
è come un lungo filo
tirato nell’attesa
dalle voglie mie e tue
innamorate
in cerca
di ritrovarsi a mezzo.
Il resto sono le pene
che non trovano pace
nei lunghi silenzi
e nei giorni
pieni di solitudine
grande
quanto è grande il mare
quando nelle voglie ti cerco
e tu mi sei lontana.
|
|
|
