La nebia (in dialetto veneto)
di LARA CAPPELLARO
(Ai miei genitori,
ai naviganti nella nebbia)
Nebia: crose e orgòlio de la me gente.
La pol sembrar na secadùra,
ma l’è na coltre dolse, avolgente…
parché ci gà avùo na vida dura
el gà avùo almanco, ‘ntel bianco,
on mantelo de desideri,
on tambùso par i pansieri,
on postesìn da scòndar i ricordi
de ancò e queli de ieri;
na sorela e na confidente,
na conpagna de viajo,
on candor che fa corajo.
La nebia tante cose la porta ia,
tante altre la sconde
robe anca tremende;
ma l’è la risorsa de la me fantasia,
ndò posso sognar quel che no gò mia.
Quan’ la sera penso a mi, a la me sfortuna,
la nebia me par materna come na cuna;
e me nasse in cor na preghiera:
«Nebia, che te m’è compagnà sempre
cussì fedelmente: no lasarme sola,
a svanìr in un gnente» | 
Benvenuta su Scrivere al Tempo di Internet, cara Lara.
Il tuo dialetto è molto affascinante e dolce.
La poesia è deliziosa e ha un finale che fa meditare: la nebbia sfuma i contorni, smussa gli spigoli, sfoca la visione insomma; ciò nonostante tu ne invochi il perdurare, trattandola da compagna che, proprio per le caratteristiche prima enumerate, ti trasmette calma e consolazione come una cuna (culla) per un neonato. Sei giovane e, presto, scoprirai che il sereno mostra, sì, le nefandezze ma anche le bellezze di questo mondo. In piena luce sono riconoscibili, basta osservare con attenzione.
A presto
Ben