Comme a ‘nu Dio chi me parla me pare,
che mentre parla tu o guarde ridenno
e l’uocchie int’all’uocchie io stong’ sentenno
suone che mai nun sentette chiù care.

Comme a ‘nu sole c’ a ‘o sole s’appara,
a chesta voce che doce se stenne
‘a vocia toia gentile s’appenne
tanto che l’aria tremmanno se schiara.

Soffrono l’uocchie p’a luce che more
ma l’accarezzano ‘e lacreme e’ chille
che sta parlanno e mo pare che chiagne:

dint’a chill’uocchie, comm’acqua si fragne,
tennera tremma ‘na risa e scintilla:
so’ l’uocchie tuoie che dicene “Ammore!”.