TOPIMASO : vidin'entana, tolokevitra

Vidin’entana

Ny vidiny entina eto dia entina hanampiana antsika mba hanaovana ny vinavina mety ho lany amin’ny fanorenana. Ezahina hatrany ny manavao ireo vidin’entana arakaraka ny fivoarany eny amin’ireo mpivarotra. Marihana etoana koa fa ireo teny ampiasaina dia ezahina ho ireo teny fampiasa sy efa fantatry ny besinimaro. Izay no mahatonga ireo teny mifangaro.

Raha ny tsikaritra eto Antananarivo dia mampitovy vidin’entana sasany ireo mpivarotra. Noho izay antony izay dia lasa mananosarotra ny tena mampitaha ny vidin’entana. Ny tsara atao dia ny mikajy hatrany ny vola mety ho lany eo amin’ny fitaterana. Ka izay mpivarotra tsy dia lavitra ny toerana misy ilay hanorenana aloha no tsara hijerena mialoha.

Ny azo atao koa dia mijery ireo olona miantoka entana. Izany hoe entana efa tonga eo amin’ny tany hanorenana no vidinao. Ny biriky, fasika, ny malao sy ireo karazana vatokely matetika no misy manao izany. Matetika dia lafo tokoa ny saran’ny fitaterana amin’ireny fiara lehibe ireny ka mety ho lafo noho ny entana vidiana.

Ny hevitra tsara koa dia mividy fiara madinika azo hitaterana entana (Fourgon) ireny. Fa manampy tokoa @ fitaterana ireo entana fampiasa matetika tahaka ny ciment, vy ka mba tsy voatery maka fiara mpitatitra hatrany.

Rehefa misafidy ilay manafatra entana amin’ny mpiantoka dia zahao tsara ny kalitaony entana fa indraindray hafa ireo santionany asehony anao fa hafa rehefa tonga ny fotoana hifanarahana.

Mila mailo hatrany koa @ ireo fatra fampiasa. Matetika dia ireny Camion ireny no tonga dia fatra hitondran’ireo mpitatitra ny m3, ao koa ireo hafatra @ gamanta sy maritrafo.

Fehiny, ilaina hatrany ny manaramaso ny entana raisina sy vidiana mba hifanaraka ny kalitao ilaina no azonao mba tsy hitondra olana amin’ny fanorenana.

Prix des nécessaires de Plomberie