Sep demandoj al la itala Ĉefministro, Sinjoro Silvio Berlusconi

Al la Ĉefministro de la Itala Respubliko oni prezentis dek demandojn pri liaj rilatoj kun neplenaĝa knabino kiun li eĉ plurfoje invitis ĉe oficialaj vespermanĝoj. Ĝis nun li refuzis respondi.

Oni povus konsenti rabaton al Sinjoro  Silvio Berlusconi, petante respondon al nur sep demandoj, multe pli gravaj.

Sinjoro Berlusconi,

ĉu vi konsentas publike respondi la jenajn demandojn?

Enkonduko:

La Banko Rasini de Milano, kiu apartenis dum la sepdekaj jaroj al Carlo Rasini, estis indikita far Sindona kaj en multaj oficialaj dokumentoj far magistratoj, kiuj enketis pri mafio,  kiel la precipa banko  utiligita de la mafio por recikli malpuran monon en Norda Italio.

Inter la klientoj de tiu  Banko estis Pippo Calò, Totò Riina kaj Bernardo Provenzano, dum la jaroj en kiuj ili konsistis la “kupolon” (estraron) de mafio.

Dum la samaj jaroj S-ro  Luigi Berlusconi laboris ĉe tiu Banko, komence kiel dungito, sekve kiel “Prokuristo kun subskrib-rajto”, kaj fine kiel Direktoro.

 

1) Dum 1970, la prokuristo de la banko Luigi Berlusconi ratifas tre apartan operacion: la banko Rasini aĉetas koton de Brittener Anstalt, societo de Nassau kunligata al Cisalpina Overseas Nassau Bank, en kiu administra konsilo estis Roberto Calvi, Licio Gelli, Michele Sindona kaj monsinjoro Paul Marcinkus. Ĉu tiu ĉi  Luigi Berlusconi, prokuristo kun subskrib-rajto de Banko Rasini, estis via patro?

2) Dum la samaj sepdekaj jaroj  Sinjoro Silvio Berlusconi registris ĉe Banko Rasini dudek tri holdingojn kiel “butikoj de frizisto kaj estetikisto”, ĉu tiu ĉi  Sinjoro Silvio Berlusconi estas vi?

3) Vi registris ĉe Banko Rasini dudektri “Italajn Holdingojn” kiuj dum multaj jaroj posedis la kapitalon de Fininvest, kaj 15 aliajn Holdingojn, taskitajn pri operacioj  ĉe fremdaj merkatoj. Ĉu la dudektri “frizistaj holdingoj”, kiujn dum unua enketo la Financa Korpuso ne sukcesis trovi, kaj la dudektri Holdingoj italaj, estas la samaj?

4) En la jaro 1979 la financano Massimo Maria Berruti kiu unue estris kaj poste formetis la enketon de la Financa Korpuso pri la dudek tri holdingoj de Banko Rasini, demisiis el la Financa Korpuso. Tiu sinjoro Massimo Maria Berruti estas la sama kiu estis dungita de Fininvest tuj post demisio el la Financa Korpuso, poste estis kondamnita pro korupto, sekve elektita kiel parlamentano por la partio Forza Italia, kaj taskita pri la rilatoj de la kvar Fininvest societoj kun la Londona advokato David Mills, ĵus kondamnita en Italio pro atentigo de la angla juĝistaro?

5) En la jaro 1973 la kuratoro de la tiutempe neplenaĝula heredantino Anna Maria Casati Stampa okupiĝis pri vendo al S-ro Silvio Berlusconi de la posedaĵoj de la familio Casati ĉe Arcore. Tiu posedaĵo de Casati konsistis el bieno de unu miliono da kvadrataj metroj, konstruaĵo de la deksepa jarcento kun aneksita parko, t.e. vilao San Martino, de proksimume  3’500 kvadrataj metroj , 147 ĉambroj, pinakoteko kun ĉefverkoj de la dekkvara kaj dekkvina jarcentoj, biblioteko enhavanta ĉ. 3000 antikvajn volumojn, senlima parko, ĉevalejoj kaj naĝejoj. Tiun netakseblan valoron oni vendis kontraŭ la sumo de ĉ. 500 milionoj de liroj (t.e. 250'000 nunaj euroj) el biloj akciaj de societoj, kiuj tiutempe ne estis kvotitaj ĉe la borso. Tiuj biloj estis reaĉetitaj el ŝi post malmultaj jaroj  kontraŭ ĉ. 250 milionoj. Ĉu tiu ĉi advokato estas la sama homo kiu poste iĝis via advokato ĉe Fininvest, senatano de via partio Forza Italia, Ministro pri Defendo, kondamnita pro korupto de juĝistoj, interdiktita el rajtoj civilaj kaj el publikaj komisioj, kaj kiun vi daŭre frekventadas?

6) En Milano, ĉe via Sant’Orsola 3, naskiĝis en 1978 societo nomata Par.Ma.Fid. Tiu Par.Ma.Fid. estas la sama konfida societo kiu mastrumis ĉiujn posedaĵojn de Antonio Virgilio, finanzisto de Cosa Nostra kaj reciklisto de malpura mono je nomo de klanoj de Giuseppe kaj Alfredo Bono, Salvatore Enea, Gaetano Fidanzati, Gaetano Carollo, Carmelo Gaeta kaj aliaj mafiaj ĉefoj –  el la regiono de Corleone kaj ne nur – kiuj aktivis en Milano pri la monda ŝakrado de narkotaĵoj kaj trudkapto de personoj.  Sinjoro Berlusconi, gravaj kvotoj de pluraj el la jam menciitaj dudektri Holdingoj estis de vi konfiditaj ĝuste al Par. Ma.Fid. Je kies komisio Par.Ma.Fid. mastrumis ĉi tiun grandan porcion de Grupo Fininvest, kaj kial vi decidis konfidi ĝuste al tiu societo tiom gravan parton de viaj posedaĵoj?

7) Sinjoro  Berlusconi, el kie devenas la senlimaj kapitaloj kiuj komencigis, je la aĝo dudeksep, vian eskaladon al la itala financa mondo?

 

Vidu, Sinjoro Berlusconi, ĉiuj eblaj krimoj kiuj rilatas la antaŭajn demandojn jam estas preskriptiĝintaj. Sed la problemo estas ke la komplezoj, kiujn oni ricevas el mafio, neniam preskriptiĝas. La civitanoj italaj kaj eŭropaj, la ĉefministroj de la landoj kiujn vi volas renkonti, nepre rajtas scii ĉu vi estas ĉantaĝebla aŭ estas libera homo.

P.S. Ĉar vi jam estis kondamnita kun definitiva verdikto de la Kasacia Kortumo pro malveraj deklaroj antaŭ juĝisto en juĝejo, ni petas el vi la komplezon havigi pruvojn de viaj deklaroj, ĉar evidente la nuraj respondoj ne sufiĉus.

Carlo Cosmelli

Ĉi tiu teksto legeblas en la itala, franca, angla, hispana, germana, baldaŭ japana, araba, nederlanda ĉe:

http://sites.google.com/site/carlocosmelliwebsite/Home

La informoj, kiujn entenas la sep demandoj, oni eltiris el la libro “L’odore dei soldi” [Odoro de mono] de Elio Veltri kaj Marco Travaglio (Editori Riuniti) 2001. Ili estas tial bone konataj de la gazetaro kaj de la italaj parlamentanoj.

Sinjoro Berlusconi iniciatis du procesojn kontraŭ la aŭtoroj de tiu libro:  la unua, pri misfamigo, fermiĝis en 2005 per absolvo de la du aŭtoroj kaj kondamno de sinjoro Berlusconi al pago de 100'000 euroj pro elspezoj. La dua proceso, kiu konsistis en peto pri kompensado pro misfamigo per presmedioj, estis rifuzita de la Roma Tribunalo, devigante la plendanton pagi 15'000 eurojn pro elspezoj.

Carlo Cosmelli

Dipartimento di Fisica & INFN

Sapienza, Università di Roma

IT-00185, Roma,

cosmelli.carlo@gmail.com