اسماعیل جمیلی:
قئرمیزیسی
قاراسی ، آغی
بیر بئزین قیراغی
پاسلی راسیزمه پاسپان
دیلی یالان ، سؤزو بوهتان
الده سیلاح ، آخان ناحاخ قان
وورولان زنجیر، دولان زیندان
دوغرولاری دوغرایانلار
آرزولاری قورودانلار
سئرتیق یئرتیق اوزلریله
دلیک دئشیک سؤزلریله
جها لتی رذالتی دوندان دونا گیردیره نلر
قارا ، قئرمز جیندالارین جیریقلارین یامایانلار
دیسگینمه دن ، اوتانمادان
کاشغار لینین قوتسال ایپک دیاریندا *
نباتینین ، شهریارین تالان اولان تورپاغیندا **
جر جنه وار سورولرین قودوردورلار
قان سالیرلار ، جان آلیرلار
ظلمون زورو چاغین چرخین دوردورانماز
آییق ، ساییق یئنی نسلی اویدورانماز
یئنی عصرین نفسیله
یئنیلییین یاز سسیله
قوتسال قودورقان قودوزلار
گوندن گونه سارالیرلار سوزاریرلار
چورویورلر بوزاریرلار
اسماعیل جمیلی
10 جولای 2009
* قئرمیزی چین حکومتینین دوغو تورکستاندا توره تدیی جنایتلر
** گونئی آزربایجاندا مورتجع شوونیستلرین باسقیلاری
| 