Search this site

bit.ly/jBxzp: Amor de Jesus—Poeta Lauredu Ning Capampangan

Recent site activity

Pangadi Bayu Tuglung King Internet
O kipnuan king upaya at alan-anggang Dios, king anyu Mu lelang Mu kami at sinabi Mu kekami ing dulapan mi ya ing cayapan, ing catutuan, at ing caniwan, lalu't lalu na ing tagle cabanalan na ning Bugtung Mung Anak, Y Jesucristong Guinu mi, itulut Mu, pagamu-amu mi Keka, king kapamilatan nang San Isidro, Obispo at Doctor, a sana king penandit ning pamaglayag mi king Internet iyungyung mi la ding mata at gamat mi bucud mung king bague munie ligaya Keka at pakibagayan mi la sana king mitmung lugud at kapakumbaban ding maldang caladwang kekaming akatalamitanan. Kapamilatan na ning Cristong Guinu mi. Amen.
by Fr. John T. Zuhlsdorf; translated by Renato B. Alzadon, Academia Ning Amanung Sisuan (ANASI)

Copyright © 2009 Ing Agila Ning Apalit.
Ing Agila Ning Apalit‎ > ‎Poema‎ > ‎

Ing Pinsil At Pluma

ING PINSIL AT PLUMA
Neng Almario "amor" C. de Jesus, P.L.
Ing Agila Ning Apalit


Mumuran na naman, at ding kekang poesia,
Macadayu lang lisangan, careta na ping babasa,
Ding malacac a matudtud, era balu mipacde la,
Qng carelang panga-gising, talnan da ne ytang pluma.

Calupa na ning galo na, nitang pinsil mung tatalnan,
A matulang maca-aplus ketang telon gugulisan,
At mapilan mung pinandit, masaya mu nang paniglon,
Lelangan ning kekang diwa, babye tula't capasnawan.

Nung tucyan cu retang rima, cawatasang belangcas mu,
Ytang bangcang sasaken cu, magpanyud niya rugung cusa,
Ecu lubus amalayan , ketang pampang misadsad cu,
Macatiman cung sasaca, qng yumu da retang rima.

Macanyan la buring sabyan, detang poemang gewa mu,
Dadapugan na ning pali, ining pamanigaral cu,
Malyari lang pacyapusan, indayug ning salita mu,
Bayang luntu asna tingcad, ing cule na ning Amanu.

Detang Pintor penganac la, cacambal da ring Poeta,
Ytang lulwal qng caisipan, anting regalung bat banwa,
Eta na dapat magtaca obat deti aliwa la,
Uling ing Dios a miglalang, minunang Pintor at Poeta.