Search this site

bit.ly/jBxzp: Amor de Jesus—Poeta Lauredu Ning Capampangan

Recent site activity

Pangadi Bayu Tuglung King Internet
O kipnuan king upaya at alan-anggang Dios, king anyu Mu lelang Mu kami at sinabi Mu kekami ing dulapan mi ya ing cayapan, ing catutuan, at ing caniwan, lalu't lalu na ing tagle cabanalan na ning Bugtung Mung Anak, Y Jesucristong Guinu mi, itulut Mu, pagamu-amu mi Keka, king kapamilatan nang San Isidro, Obispo at Doctor, a sana king penandit ning pamaglayag mi king Internet iyungyung mi la ding mata at gamat mi bucud mung king bague munie ligaya Keka at pakibagayan mi la sana king mitmung lugud at kapakumbaban ding maldang caladwang kekaming akatalamitanan. Kapamilatan na ning Cristong Guinu mi. Amen.
by Fr. John T. Zuhlsdorf; translated by Renato B. Alzadon, Academia Ning Amanung Sisuan (ANASI)

Copyright © 2009 Ing Agila Ning Apalit.
Ing Agila Ning Apalit‎ > ‎Poema‎ > ‎

Gawa Catang Poesya

GAWA CATANG POESYA
Neng Almario "amor" C. de Jesus P.L.
(Ing Agila Ning Apalit)


Keng pamamasa cu, meracal ing diwa,
A nung macananu, gagawang poesya,
Anya nung bisa ca, manigaral cata,
Ketang pamanyulat, qng bersu at rima.

Anya misip nacang, masanting a tema,
At nung nanu pinsa, titulung bage na,
Numu pamulutan, amanu mung yapsa,
Beitang talentu?, cagiwan at diwa.

Ngeni cutnan daca, nanu ing buri mu?
keta nang estilu, at sucad a ustu,
Pilan a sylaba, ing agyung gawan mu,
Labing adwa, labing anam, malyari nu caya?

Ding linyang gagawan, yla ding estropa,
At maca rima pa, ding sepung salita,
At potang basan me, nung bersu la't rima,
Asna na canayun, ing pamagsalita.

Nung balu re retang "vowels" a; e i; o; u; ngan,
Ketang amanung tawli, ylang madalas gamitan,
Potang lulwat emu reti, ing luntu agyu mung gawan,
Sigue, magumpisa naca, Ing Indung Mal ya ing tema.