Pangadi Bayu Tuglung King Internet
O kipnuan king upaya at alan-anggang Dios, king anyu Mu lelang Mu kami at sinabi Mu kekami ing dulapan mi ya ing cayapan, ing catutuan, at ing caniwan, lalu't lalu na ing tagle cabanalan na ning Bugtung Mung Anak, Y Jesucristong Guinu mi, itulut Mu, pagamu-amu mi Keka, king kapamilatan nang San Isidro, Obispo at Doctor, a sana king penandit ning pamaglayag mi king Internet iyungyung mi la ding mata at gamat mi bucud mung king bague munie ligaya Keka at pakibagayan mi la sana king mitmung lugud at kapakumbaban ding maldang caladwang kekaming akatalamitanan. Kapamilatan na ning Cristong Guinu mi. Amen.
[by Fr. John T. Zuhlsdorf; translated by Renato B. Alzadon, Academia Ning Amanung Sisuan (ANASI)]
Pangadi
O Ibpa ming caluguran, ipangadi mi sanang parati na ing grasiang pinacamaulaga na pigcalub mu quecami queti qng yatu, yapin ing pamicalugud emu sana caring caluguran mi qng bie mi nune sana caring sablang taung lelangan yu. Buclat yo pu ring pusu mi na sana ecami cararagling mamatul careng calupa ming lelangan mu, macasadya caming mamatawad, dinan mu caming dacal a capibabatan, pamaglunus at lugud. Ing pamanyamba o casuyuan para quecayu, e maragul a dapat queti yatu pero ing cayablasan na ing alang anggang tula banua.
[by Melencia Catacutan]
Mapalyaring emu ku pa balu, oneng ika balu ku ngan ing sabla keka. (cf. Dalit 139.1)
Balu ku nung kapilan ka lulukluk at nung kapilan ka mibabangon. (cf. Dalit 139.2)
Ing heganaganang dapat mu, balu ku ngan. (cf. Dalit 139.3)
Agyang ding buak mu keng buntuk makabilang la. (Mateo 10.30)
At king wangis ku karin ka melalang. (cf. Genesis 1.27)
Anya mabibie ka, kikimut at makaltu king uli ku. At tune da kang sapni. (cf. Ding Dapat 17.28)
Bayu ka pa midinan bie, balu da na ka. (cf. Jeremias 1.5)
Pinili da na ka, anyang babalakan ke pang gawan ing pamaglalang, (cf. Efeso 1.10-12)
Balu ku ing kaba ning bie mu, bayu ka magumpisang mangisnawa, uling iti makasulat na king libru. (cf. Dalit 139.16)
Tildu ku ing panaun ning kekang pangabait at nung nuka manuknangan. (cf. Ding Dapat 17.26)
Melalang ka king mitmung kapagmulalan at e pitatakutan. (cf. Dalit 139.14)
Belangkas ku ing sablang dake ning katawan mu, Inubug da na ka king atyan na pang Ima mu. (cf. Dalit 139.13)
Yacu ing mamantabe manibat inyang mibait ka. (cf. Dalit 71.6)
Madalas eyu aintindian ing sasabian ku? Uling iti eyu atanggap? (cf. Juan 8.43)
Eku makalaut at ala kung mua. Manatili ku lugud at nung lulugud ka manatili ku keka. (cf. 1 Juan 4.16)
At kaburian ku ing tune lugud keka. Inya inaus dakang Anak na ning Dios at yan ing katutuan. (cf. 1 Juan 3.1)
Aibie ku keka ing mas a dakal a malyari nang ibie ning Tata mu king Yatu. (cf. Mateo 7.11)
Uling yaku ing mabilug at ganap o perpectung Ibpa. (cf. Mateo 5.48)
Ing sablang mayap at ganap a grasyang tatanggapan mung manibat banua menibat ngan kanaku. (cf. Santiago 1.17)
Yaku ing sablang babie king eganaganang kailangan mu, anya pakikuanan mung mag-ari ku keka at tupad king kaburian ku. (cf. Mateo 6.31-33)
Yaku ing makibalu keng kekang paintungulan bang numawa ka bie at e misaldak. (cf. Jeremias 29.11)
At manatili kung malugud keka, papakit ing lugud a e kukupas. (cf. Jeremias 31.3)
Emu abilangan ing pamanisip ku kekayu, dakal la pa keng balas ning Aplaya. (cf. Dalit 139.17)
Matula ku at masaya keka a kayantabe ning dalit. (cf. Zephaniah 3.17)
Panintunan mu ku kambe ning mabilug mung pusu. (cf. Dalit 37.4)
Uling yaku ing munie keka king lugud mung parasan. (cf. Filipo 2.13)
Pasayan daka king sabla mung kalungkutan ban king tulang tinggap mu asupan la ding sablan atyu mu naman keng kalungkutan. (cf. 2 Corinto 1.4)
Nung bigu at maina ka lub, malapit ku mu keka at supan daka. (cf. Dalit 34.18)
Anti ing Pastul, ingatan neng kawan na, ding malating tupa kilikan nala karing takde na, ding gaindu tairan na la king mipmung kaingatan. (cf. Isaiah 40.11)
Misan a aldu, pulisan ku ngan ing lua da reng kekang mata. At ilaku ku king lumbe at kasakitan a delanan mu king yatu. (cf. Kapahayagan 21.4)
Yaku ing kekang Ibpa at kaluguran daka agyamang kaluguran ke ing Anak ku y Jesus. (cf. Juan 17.23)
At kapamilatan nang Jesus, ing lugud ku kekayu mibulalag. (cf. Juan 17.26)
Y Jesus ya ing ganap at tune nang kawangis ning Kadiosan, ya ing maslag a sala ning ligaya, magmintini king meto sikluban, king kapamilatan ning mayupaya nang Amanu. (cf. Hebreo 1.3)
Dinatang ya y Jesus ba nang ipakit a atyu ku panig yu at eku laban kekayu. (cf. Roma 8.31)
At y Jesus ati yu kanaku at yaku ati ku kaya bang maging kakaluguran ning tau at makalinguan o mipatawaran ing kasalanan da. (cf. 2 Corinto 5.19)
Ing kamatayan nang Jesus yang tune patutu ning lugud ku kekayu, penatbus king kasalanan yu. (cf. 1 Juan 4.10)
Ibabie ku ing heganaganang bage a lugud ku, banting upayang akwa o mibie kanaku ing lugud yu. (cf. Roma 8.32)
Nung tatanggapan ye ing Regalo ning Anak ku y Jesus, tatanggapan yu ku naman. (cf. 1 Juan 2.23)
At eka mika sangkan a mikawaning pasibayu king lugud ku. (cf. Roma 8.38-39)
Nung muli ka Bale ku, gawan ku ing pekamasaya o maragul diling pusyon a era pa ikit a megawa banua. (cf. Lucas 15.7)
Manibat pa king kamumulan yaku na ing Ibpa at angga na king alang angga manatili kung Ibpa. (cf. Efeso 3.14-15)
Ing kanakung kutang keka. . . . .
BISA KANG MAGING ANAK KU? (cf. Juan 1.12-13)
TANDANAN MU....... Manenaya ku keka. (cf. Lucas 15.11-32)
ING MALUGUD,
MAYUPAYANG DIOS
[Bata lang apilasa ding Amanu, paki basa o dungdungan tala ding mesiglaweng "bersiculu" ning Biblia. salamat po. ~amor (lugud)]