வணக்கம்

இந்த இணையம் ஆரம்பித்ததன் நோக்கம்..!

பலவாறு சிதறுண்டு கிடக்கும் தமிழ் இணையப்பக்கங்கள் மற்றும் தமிழ் படைப்புகள் - ஆக்கங்கள் ஆகியவற்றை ஒன்றிணைக்கும் முயற்சியாக இந்த இணைய பக்கம் ஆரம்பிக்க பட்டுள்ளது. இந்த இணையபக்கத்தில் உங்களின் தமிழ் ஆக்கங்கள்(மென்பொருள் மென்பொருள் பற்றிய (அ) தமிழ் வளர்ச்சி பற்றிய கட்டுரை இலக்கிய இலக்கணம் வழுவாத கவிதைகள் கணினி மேம்பாட்டு நிகழ்வுகள் கணினி உதவிக் குறிப்புகள் கணினியில் உங்களுக்கு ஏற்படும் சந்தேகங்கள் - கேள்வி பதில்கள்  கணினியில் வரும் புதிய நிகழ்வுகள் அறிமுகங்கள்  எழுத்துருக்கள் மற்றும் தமிழை ஆக்கபுர்வமான வழியில் உயர்த்தி செல்லும் அனைத்து படைப்புகளையும் இங்கு துறை-பகுதி வாரியாக வெளியிடலாம். வெளியிட்ட படைப்புகளுக்கு அவர்களே முழு உரிமையும் கொண்டவராக திகழலாம். ஏற்கனவே உங்களிடம் தனியான இணையதளம்  அல்லது பிற இணையதளங்களில் வெளியிடப்பட்ட தகவல்களை இங்கு நீங்கள் இணைப்பாக வெளியிடலாம்(தகுந்த குறிப்பையும் கூடவே அளிக்க வேண்டும்). அனைத்தும் முதலில் யுனிகோட் வடிவில் பிரசுரிக்கபடும். பின்னர் 54 வகையான எழுத்துருக்களில் வெளியிடப்படும்.

படைப்புகளின் எண்ணிக்கையை பொறுத்து பின்னர் தனியான இணையதளம் ஆரம்பிக்கபடுவது பற்றி ஆராயப்படும். தற்போது ஆரம்பிக்கும் முதல் செய்தியிலிருந்து அனைத்தும் கண்டிப்பாக இலவச சேவையாக மட்டுமே நீடிக்கும்.

அடுத்த மாதத்திலிருந்து இந்த தளம் கீழ்கண்ட சேவைகளையும் இலவசமாக அளிக்கும். அனைவரும் அவரவரிடம் உள்ள தகவல்களை இங்கு அளித்து தமிழினை கணினியில் முழுமையான மற்றும் நிலையான இடத்தை பிடிக்க முயலவேண்டும் என்பதே எனது ஆவல்.

தாங்கள் விளம்பர நோக்கில் தகவல்களை கொடுத்தாலும் சரி அல்லது இலவச சேவை மனப்பான்மையுடன் கொடுத்தாலும் தகுதியுடைய(கண்டிப்பாக அனைவருக்கும் பயனளிக்குமெனில்) தகவல்கள் இங்கு பிரசுரம் செய்யபட்டு தகவல்கள் அனைவருக்கும் கிடைக்கும் வகையில் வழிசெய்யப்படும்.

பயனர்களுக்கு கணினியில் தோன்றும் சந்தேகங்கள் பிரச்சனைகளை இங்கு தாராளமாக வெளியிடலாம். அதற்கான பதில் கூடிய மட்டும் தினந்தோறும் கிடைக்க-அளிக்க வகை செய்யப்படும்

நிபந்தனைகள்:

1. கண்டிப்பாக தகவல்கள் தமிழிலேயே இருக்க வேண்டும். (சிறிதளவு ஆங்கிலம் கலந்திருப்பின் பரவாயில்லை).

2. இணைய பயன்பாட்டாளர்களுக்கும் தமிழ் ஆர்வலர்களுக்கும் பயனளிக்கும் வகையிலேயே தகவல்கள் அமையவேண்டும்.

3. தகவல்கள் எந்த எழுத்துருவில்(54ல்) வேண்டுமானாலும் அனுப்பலாம். முதலில் இங்கு அது யுனிகோடில் மட்டும் பிரசுரிக்க படும்.

4. மற்ற இணைய தள முகவரிகள் கொடுக்கும் போது எந்த தலைப்பின் கீழ் அவை வருகின்றது என்பதை தெளிவாக விளக்கவும்.

5. தகவல் கீழே கொடுக்கபட்டுள்ள குழுக்களின் மூலமாக பெறப்பட்டு பின்னர் இங்கு வெளியிடப்படும்.

தலைப்புகள்

அகராதிகள்:
1. ஆங்கிலம் - தமிழ்
2. தமிழ் - தமிழ்
3. மற்றமொழிகள் - தமிழ்

தமிழ்:
1. கற்றல்

2. கற்பித்தல்

கணினி:
1. கேள்வி-பதில்
2. கட்டுரைகள்
3. இலவச மென்பொருட்கள்
4. கணினி உதவிக்குறிப்புகள்

மருத்துவம்:
1. உயர்திணை
a. மருத்துவக்குறிப்புகள்
b. கட்டுரைகள்
c. கேள்வி-பதில்

2. அஃறிணை
a. மருத்துவக்குறிப்புகள்
b. கட்டுரைகள்
c. கேள்வி-பதில்

இலக்கியம்:
1. செய்யுள்
2. கவிதைகள்
3. திருக்குறள்

விஞ்ஞானம்-அறிவியல்-தொழில்நுட்பம்:
1. புதியவை
2. உதவிக்குறிப்புகள்
3. கேள்வி-பதில்

நமது ஊர்:
1. மாவட்ட வாரியான விபரங்கள்
1. மாவட்டச் சிறப்புகள்
2. திருத்தலங்கள் - பெருமைகள்
3. முக்கிய அமைப்புகள்-முகவரிகள்
4. வணிக மையங்கள்-முகவரிகள்
5. வழித்தடங்களும் தொலைவுகளும்.

பொது:
இதன் கீழ் மற்ற இதர அனைத்து தலைப்புகளில் வரும் படைப்புகளும் வெளியிடப்படும்.

இந்த இணையம் முழுமையாக தமிழ் இணையப்பயனாளர்களால் பதிவேற்றம் செய்யப்படுவதாகும். அனைவரும் இணைந்து தமிழ் தகவல்களை இணையத்திலேற்றி பயனடையச்செய்வோம்.