पावसाळ्यात... काहीतरी गरमागरम चमचमीत खायला करावं, आणि पावसाने नेमकी दडी मारून, आभाळात सुर्याने उडी मारावी, असं हल्ली फार घडतं, म्हणून मी एक दिवस पावसालाच घरी जेवायला बोलावलं, पाउस भट असावा- लगेच हो म्हणाला! पाउस असताना जेवण म्हणून त्यादिवशी झक्कास खिचडी-सार-आणि साजुक तुप असा बेत बनवला... पाउस म्हणाला, 'सार जरा पांचट झालं होतं'! एक गडगडणारी ढेकर देऊन म्हणाला, 'मी जरा पडतो', 'मी' ताबडतोब फोन करून 'ती'ला बोलावून घेतलं, आणि आम्ही मनसोक्त भिजलो, 'ती'ही त्याला जेवायचं निमंत्रण देणार होती, पण तोपर्यंत तो पडून रिता झाला होता...
