Sant Asaram bapuji bharat ke mahaan sant hai.

Bapuji kewal hinduo ke nahi , muslim aur christian aadi sabhi dharmiyo ke liye ek hi bhavanaa rakhate hai....sab ka mangal ho!

 

Bapuji bharat ke vedo ka gyan atyant saral shabdo mey roj ke jeevan ke udaharano se samany logo ko samjhate hai...jis se sunane wale ko bahot shanti , sukh aur aanand ka anubhav hota hai...ye hi kaaran hai ki un ka satsang(sant ki boli) sunane ke liye an-ginat log aate hai....

 

Bapuji ka vyaktitv

 

Bapuji ka  vyaktitv ekdum sidhasadha hai ..cotton ki saphed dhoti  aur pairo mey slipers pahenate hai..koyi avdambar nahi...lekin un ki aankho mey gyan ki chamak, shudhd prem ki garima , aur sakshat Ishwar ki anubhuti hoti hai..ye hi kaaran hai ki un ke darshan matr se  sabhi ke dukh dard gaayab ho jaate hai....un ki nigaahe ishwariy aanand aur shanti denewali karunakrupa  barsati hai, ye karodo ka anubhav hai...

 

....bapuji kabhi swayam ki pooja archa nahi karavaate....satsang sunane ke baad sabhi sadhako se pandaal mey jo aarati hoti hai wo sub ke hruday mey tatv roop mey vyapt Ishwar ki hoti hai jis ko bapuji swayam bhi gaate hai....  “om jay jagdish hare..”

 

 

 

Bapuji  ki boli

 

... sadaiv sabhi ke mangal ki bhaavana se un ka har kshan vyatit hota hai, isiliye bapuji jo bhi bolate hai , sunanewale us vani ko “amrutwani” (satsang) bolate hai....aur aise ek ya 5-25 log nahi...karodo log hai..aur naa kewal bharat ke hai , lekin saare jagat se un ki amrutwani sunane ke liye log betaab rahete hai....

 

"satsang" means bapuji  'Gita',  'Shrimad Bhaagavat' aur 'Yog Vashisht' ke gyan rup ki  ishwar-murat apani saral aur madhur wani se logo ke hruday mandir mey pratishtit karate hai.. isi ko "satsang" kaha jaata hai.....waise to aap swayam hajar baar gita padh lo...1000 baar shrimad bhagavat padh lo aur lakho baar yog vashishth ji padh lo..lekin itana padhkar bhi aap jitana gyan jaan paaoge us ke karodo-arabo guna jyada gyan aap bapuji ka ek hi baar satsang sunkar paa lete ho....itana kathin gyan itani aasani se antar ghat tuk utaar dete hai , isiliye bapuji ko maha-purush maanate hai log....

 

 .....Bapuji ka hruday to aanand, madhury aur shanti se har pal chhalak raha hai jaise koyi dariya lahera raha ho..... jaise samundar ke paas jane se hi samundar ki havaaye paas aanewale ko mahesoos hone lagati hai , aise hi bapuji ka darshan aur vani TV ke madhyam se sunkar bhi logo ko us ki anubhuti milati hai....bapuji sabhi mey ishwar ka darshan karate hai..isliye sabhi ki prasannata ki hi prarthana karate hai....

 

duniya bapuji ki diwani kyo hai?

 

....bapuji ka darshan satsang ka labh jin ko mila hai , un sabhi ka  anubhav hai ki dukhiyo ke dukh door hote, rogiyo ke rog door hote, chinta-tanaav door hote....vyasan chhutate....mann mey aatmvishwas jagataa hai....kathin paristhitiyo ka samanaa karane ka hausala buland hota hai....manushy jeevan “manushy” ki tarah jine ka abhyas badhata hai... :-)

 

Badale mey bapuji ko kuchh bhi dena nahi hota hai....jo bhi dena hota hai , apane aap ko hi dena hota hai..kyo ki bapuji kahete hai ki,  “ishwar tumhare andar hi tumhara aatma ban ke baitha hai....!sadaiv prasann rahena hi us ki sarvotopari sewa hai” :-)

 

Bapuji ka vyavhaar

 

Bapuji kabhi kisi se rupiya, paisa, phool, phal ya koyi bhi chij vastu nahi chahate hai..vo ye baat baar baar kahete hai.....mandir/masjid/church jaate to bhi 2 phool le jaate hai..lekin bapuji ke hruday mey base ishwar ka darshan karane ke liye in mey se kisi bhi vastu ki jarurat nahi....shradhda aur vishwas bhi  naa ho to bhi koyi agar bapuji ka darshan payega ya un ki wani sunega us ka sharirik, mansik, bhautik, arthik phayada jarur hota hi hai....ye kewal 100-200 logo ka anubhav nahi hai..karodo karodo logo ka apana anubhav hai...aur ye hi kaaran hai ki un ke liye log kayi miles paidal chalkar , bithane ko jagah naa mile to khade rahekar, barish/dhup/kichad kisi ki parvaah naa karate huye jaha bhi bapuji hote waha jaate aur un ke darshan aur vani sunane ka labh uthate hai.....

 

 ..Bapuji ke sadhako ne 17000 baalsanskar kendr, 1200 samitiya chalayi hai..lekin us ke liye naa kabhi galat marg ka anusaran kiya hai , naa koyi kisi ka kaala dhan upyog mey laya hai....ye kary to bapuji ke asankhy sadhako ke aparimit parishram, athak kasht aur shudhd budhdi se maanavi kalyan ke hetu se kiye prayatno ka parinaam matr hai....

 

....sadhako ke adhyatmik unnati  ke liye bapuji ne ashram shuru karane ki anumati di ....to waha rahenewale sadhako ke udar-nirvaah ke liye sadhako dwara  dhup- agarbatti aadi samaan taiyyar kiya jata hai , jo atyant kum daam mey vitarit kiya jata hai....aaj kal ki bajaaroo chijo ke saamane ashram-vaasiyo dwara  nirmal aur satvik bhaav se taiyyar ki huyi dhup-agarbatti aadi kewal sadhako ke liye hi hoti hai.....ye saman jo sadhak itane alp daam mey nahi kharid sakate , unhe prasad swarup  mophat mey bhi diya jata hai..

 

Gyan ka prasaaran

 

  ....ashram dwara bapuji ka aur bharat ke any santo ka gyan prasaaran karane hetu patrikaye prastut ki jati hai....jin ko padhane matr se kayiyo ki bigadi jindagi sudhar gayi hai....naam matr kimat mey ye patrikaye sadhako dwara samany janata tak pahunchayi jati hai..jis se logo ka mangal ho, vedo ka gyan mile , un ke bhi dukh ,rog, bhay , sankat door hoke un ke jeevan mey aanand ulhas shanti ka sancharan hota hai ye anubhav hai....ye hi kaaran hai ki jo bapuji ke sadhak nahi hai , aise log bhi un ka satsang sunane ke liye jarur jaate hai..

jo kuchh bhi aamdani satsang ki pustak bikri se hoti hai us mey anek lok kalyan ke kary hote hai..jaise adiwasi ke liye aspatal sewa, anaj, kapade aadi jivan aavashyak vastuo ka vitaran, aapad grast logo ke liye madad kary aadi lok kalyan kary mey ye paisa lagaya jaa raha hai...

 

Bharat ki lagbhag aadhi janataa bapuji se kisi na kisi prakar se judi hai....janata par un ka badhata huaa prabhav , galat dhaaranao par un ki saral aur suspasht  shabdo mey aalochana, bharat ke bachcho aur yuwa pidhi ko susankarit karane ke liye un ke aayu ke 68 ve varsh mey bhi athak prayatn kayi asamajik tatvo ko ukhad phenk rahe hai....ye asamajik tatv wale log bapuji ke virodh mey sajishe karate rahete hai....kabhi ashramo ki jamin ke liye , to kabhi aakasmit huyi balako ki mrutyu ke liye....lekin ye sabhi galat aarop hai....bapuji ke swayam ke aur un se sambandhit ashram wasiyo ke sabhi vyavhaar khule aur swachh hai, jise koyi bhi dekh sakata hai.....

 

....bapuji ki lokpriyataa ka aur jan-maanas par un ka prabhav ka phayada uthane ke liye kayi news channels/  media ke log , hindu sanskruti ki jade ukhadake ke iraadewale aur jalati chita pe roti sekane ki manovrutti ke political log  unhe apana kendrbindu banane ki sajish kar rahe hai....lekin un ki sajishe vyarthy hai..kyo ki media ke bhramak prachar se naa jan-maanas bhramit huaa hai , naa hi un ke galat iraade yashashwi honge.....bharat ki subudhd janataa apane anubhavo pe vishwas karegi ya in 2 kaudi ke deshdrohiyo par?