4 u 2 know
لكيلا ينكسر قلبٌ آخر
الى اخواتي البنات الطيبات العفيفات في بلدي الحبيب
--
أنا انسان متفائل بكل شي، ويؤلمني أن أجد من يسعى ليؤلم نفسه ويعرض قلبه للجراح... ا 95% من الشباب يريدون حب بطريقة ماكدونالدز (يعني "جلدي
جلدي"  ) أما البنات فــأتوقع أقل من 30% عاوزين لعب والباقين يتوقعون انهم الحين يتكلمون مع فارس الأحلام الذي يمتطي بعير أبيض أو واتيفر!!ا
-- أريد ان اقول ان واحد من أخوياي (اللي انشطب من القائمة بعد هذي السالفة) كان يتكلم عن "صديقته" اللي يكلمها من شهووور... قلت له انت تفكر تتزوجها (دامك دايماً تزعجنا بسيرتها)، قال بالحرف الواحد "لا طبعاً ما بقى الا بنت الكلب هذي!" .....!!!!! وقال صديقته قال!ا -- طبعا هذي السالفة بيقراها الشباب ومايستغربون لكن البنات يقولون "ياويلي.. ياحرام.. تهي تهي...مايصير.. شو هيدا...الخ". فلا تاخذون العلاقات اكثر من اللازم، اللي يبغى يلعب بشرفك ماراح يقول لك الشي هذا! بيمشي لين توثقين وتطلعين معه ثم ثاني يوم تصيرين النجمة الجديدة في مجموعة خروف العيد! الإسلام حط المحاذير ماهو بس قلَق، حطها عشان يحمينا من عواقب مانقدر نتفاداها لو تعدينا حدودنا، و أقل العواقب هذي هو ان ينكسر قلبك وتجلسين سنة من الأحزان والآلام، وتصير خواطرك بدل ماكانت عن الحب "وما حبيت غيرك" الى "ليه الهجر يا قاسي" والا الغـبيات مع سبق الإصرار يقولون "احبك لو قسيت" على بالهم هذا حبي الأول ماراح انساه، مع انه قد صار الحب الأول لبنات قبلها وبنات بعدها وهي مجرد وحدة في القائمة ---- ملييييييت من
كثر القصص اللي تحزن عن بنات انكسرت قلوبهم بسبب علاقات يتوقعونها احلام
وردية وهي بطيخ أحمر فأتمنى يا بنات المسلمين والمسلمات هي ثلاث اشياء حافظوا عليها وتكونو في السليم 1 ترى الله ماهو غافل عن اللي خلقهم، والحساب يوم الحساب يقول ربنا سبحانه ( ولاتحسبن الله غافلاً عما يعمل الظالمون، إنما يؤخرهم ليوم تشخص فيه الأبصار) ا 2 الحياء: استحوا فالحياء شعبة من الإيمان. استحوا من الله.. استحي من أمك و أبوكي اللي ربوكي وتمنو لك كل خير و وثقوا فيكي لاتخونين ثقتهم فيكي 3 التفكير والتفكّر: قبل ماتنجذبين للشخص فكري في كيف وصلني، ليه وصلني، ليه يقول لي الكلام هذا وهو مايعرفني، ايش مصلحته؟ ليش صار جريء؟ أنا ايش اتمنى لنفسي؟ اذا كبرت وصرت أم أو مجرد صرت كبيرة والتفت للماضي حقي هل بأكون فخورة فيه؟ ترا حماسكم كله محدود، من عمر 15 الى 35..كحد أدنى وأقصى، كم خلص من هذي الفترة؟ كم باقي؟ مستعدين تخربون حياتكم عشان متعة وقتية؟ مستعدين تفشلون في الإجابة على السؤال الخاص بهذه الفترة "وعن شبابه فيما أبلاه" عشان كم ضحكة وكم نزوة.. كونوا سادة أهوائكم لا تنقادون لها في سورة الكهف اللي نقراها كل جمعة يقول الله تعالى ل واصبر نفسك (ليست سهله لذلك كذا لازم تصبر) مع الذين يدعون ربهم بالغداة والعشي يريدون وجهه ولاتعد عيناك عنهم تريد زينة الحياة الدنيا (زينة، متعة مؤقته) ولاتطع من أغفلنا قلبه عن ذكرنا واتبع هواه (من يتبع هواه يخسر) وكان أمره فرطا -- مع التحية  ---- P.S. لمن يحب أن يقرأ عن موضوع يدور حول ماذكرناه أعلاه (الشكل 1-1)، عنده المصادر التالية (تتجدد كل ما جدّ جديد!  <<لايكثر)ا
1 يضغط هنا عنوان الموضوع: ياحبيبي... كلنا ثعالب
2 مقطع فيديو اسمه "اولاد & بنات جدة" هذا المقطع مخصص للبنت اللي ساكنة في السعودية وتحب تتعرف على شباب أو انها متعرفة من قبل، تعرّف عميق، يعني غزل و حبّ وشكشوكة اذا ماتنطبق عليك المواصفات لاتحمل المقطع، حجمه 45ميجابايت http://www.4shared.com/file/98118925/35fa841/___.html
|